Johannes Klæbo

norsk langrennar

Johannes Høsflot Klæbo (fødd 22. oktober 1996) er ein norsk langrennar. Han vann bronsemedaljen i sprintøvinga under Ski-VM 2017 og vart same sesongen norsk meister i same øvinga.

Johannes Klæbo


Statsborgarskap Noreg
Fødd 22. oktober 1996 (27 år)
Oslo, Trondheim
Idrett langrenn
Tok del i

Ski-VM 2017, Vinter-OL 2018, Ski-VM 2019, Ski-VM 2021, Ski-VM 2023

Karriere endre

Vinteren 2016 vann Klæbo tre av tevlingane då juniorverdsmeisterskapen i nordiske greiner fann stad i Râșnov i Romania, to individuelle og ei i stafett. Førjulssesongen 2016 overraska han med pallplassar i verdscuprenn i både Ruka og på Lillehammer. Under noregsmeisterskapen 2017 i Gran kommune vann han sprinttevlinga og tok sølvmedaljen på 15 km, slått einast av Didrik Tønseth. Den 18. februar tok han for fyrste gong steget til topps i eit verdscuprenn då han vann sprintrennet i Otepää i Estland. Like etterpå deltok han i Ski-VM 2017 i Lahtis og vann VM-bronsen i sprint, medan det vart fjerdeplass i lagsprinten ettersom lagkamerat Emil Iversen fall litt før målgang. 18. mars 2017 spurta han inn siger i 15 km fellesstart i Quebec i Canada og dagen etter vann han nok ein spurt i sjølve verdscupavslutninga. Dermed stod han som vinnar av langrennsturneringa i Canada og vinnar av sprintverdscupen 2017. I Verdscupen 2017 enda han på fjerdeplassen.

Gjennom november-desember 2017 viste Klæbo seg som den klart beste langrennaren i verda. I løpet av fire veker sanka han ikkje mindre enn sju sigrar i verdscuprenn; tre tevlingar i Ruka-turneringa, begge renna på Lillehammer, sprintøvinga i Davos og ein 15 km jaktstart i Toblach.

I 2022 fekk han Holmenkollmedaljen.[1]

Medaljar og besteplasseringar i noregsmeisterskap endre

Kjelder endre

  1. Giving, Trine Rom (19. februar 2023). «Disse fikk Holmenkoll-medaljen». Skiforeningen. Henta 25. april 2024. «Holmenkollmedaljen 2022 tildeles skiskytterne Tiril Eckhoff og Marte Olsbu Røiseland, langrennsløper Johannes Høsflot Klæbo og kombinertutøver Jørgen Graabak.»