Johannes M. Norman

Johannes Musæus Norman (28. oktober 182315. januar 1903) var ein norsk lækjar, botanikar og forstmann. Han var fødd i Asker og døydde i Oslo.

Johannes M. Norman

Statsborgarskap Noreg
Fødd 26. oktober 1823
Asker
Død

15. januar 1903 (79 år)
Christiania

Yrke botanikar, mykolog, forstmann
Språk latin
Johannes M. Norman på Commons

Norman vart cand. med. i 1848. Året etter vart han universitetstipendiat i botanikk og la dei neste åtte åra ut på mange granskingsferder i Noreg. Han studerte også botanikk i Wien, Paris og i Italia. Frå 1856 førelas han i botanikk ved universitetet i Oslo. På fransk språk gav han ut eit planteanatomisk verk. I 1858 reiste han til forstakademiet i Aschaffenburg i Bayern, der han studerte skogbruk.

Perioden 1860-76 var Norman forstmeister i Finnmark, der han la grunnen for ordna tilhøve vedkomande jordsal, kolonisasjon og skogbruk. Mellom anna gjorde han opptaket til ei lov om sal av statsjord i Finnmark, 1863. I alle åra han budde i Finnmark granska han plantelivet i Finnmark.

Norman fekk i 1876 årleg løn frå staten for å drive med botanikk, dermed vart han den aller første statsstipendiaten i Noreg. Trass i mykje sjukdom i sine seinare år, makta han å arbeide seg gjennom alt materialet han hadde samla og gje ut Norges arktiske Flora i tida 1894-1901. Boka har vore omtala som eit storverk i norsk plantegeografisk litteratur.

Kjelder endre