John Bredesen
John Collett Bredesen (20. januar 1806–15. april 1880) var ein norsk gardbrukar, verkseigar, skogeigar og stortingsmann frå Brandval i Hedmark.
| John Bredesen | |
| Statsborgarskap | Noreg |
| Fødd | 20. januar 1806 |
| Død | |
| Yrke | forretningsdrivande |
Bredesen var son til skogeigaren og gardbrukaren Lars Bredesen. Han tok over og dreiv garden Hvam frå 1830 til –42. I 1842 vart han eigar av Odals Verk i Sør-Odal og busette seg der. På 1850-talet dreiv han som skogspekulant i stor stil, mykje takk vere lettvint tilgjenge til pantelån i Kongeriket Norges Hypothekbank. Frå 1857 fekk han ytterlegare tilgang på kapital hos Den norske Creditbank, leia av Adolf Bredo Stabell. Ei stor handelskrise i 1857 og fleire dårlege år i jordbruket knekte økonomien til Bredesen, som på den tid var den mektigaste mannen i innlandsbygdene. Han gjekk konkurs i 1865 og mista då alle eigedomane sine, derimellom mykje jordegods. Gjelda i boet var på over 600 000 spesidalar.
Bredesen var ordførar 1846-47 i Brandval. Han representerte Hedemarkens amt på Stortinget både i 1848 og 1851, begge gongane var han medlem av næringskomiteen. Han var elles medlem av skoglovskommisjonen av 1849.
I 1866 busette han seg garden Jølstad i Brandval, der han døydde 14 år seinare.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Gyldendals store konversasjonsleksikon. 1972