John O’Shea
John O'Shea (fødd 30. april 1981 i Waterford) er ein irsk tidlegare fotballspelar som har spela for Sunderland i engelsk Premier League og for det irske landslaget. O'Shea spelte før dette heile karrieren sin fram til han var 30 år, utanom to utlånsperiodar, for Manchester United, og har vorte seriemeister med dei i 2003, 2007, 2008 og 2009. Han var med på å vinna den europeiske Meisterligaen i 2008.
 | |||
| Personleg informasjon | |||
|---|---|---|---|
| Fullt namn | John Francis O'Shea | ||
| Fødd | 30. april 1981 (43 år) | ||
| Fødestad | Waterford i Irland | ||
| Høgd | 191 cm | ||
| Posisjon | Forsvar, midtbane | ||
| Ungdomsklubbar | |||
| – |
 Manchester United | ||
| Seniorkarriere* | |||
| År | Lag | Kampar | (Mål) |
| 1999–2011 | Manchester United | 256 | (10) |
| 2000 | → Bournemouth (lån) | 10 | (0) |
| 2001 | → Royal Antwerp (lån) | 14 | (0) |
| 2011–2018 | Sunderland | 226 | (4) |
| 2018–2019 | Reading | 9 | (0) |
| Totalt | 515 | (15) | |
| Landslag | |||
| 2000-2002 | Irland U-21 | 13 | (1) |
| 2001-2018 | Irland | 118 | (3) |
| * Seniorklubbkampar og mål berre telt for nasjonal liga | |||
Klubbkarriere
endreHan vart funnen av speidarar frå Manchester United mens han spelte for ein lokal klubb i Waterford. Han skreiv under proffkontrakt med United som 17-åring og debuterte i ein ligacupkamp mot Aston Villa i 1999. I 2000 var han på utlån hjå Bournemouth i den tredje høgste divisjonen, og i 2001 var han på utlån hjå Royal Antwerp i den belgiske toppdivisjonen. I 2002/03-sesongen braut han gjennom på Manchester United sitt førstelag. Han var kaptein for United første gong i ein kamp mot Birmingham City i 2009/10-sesongen. Sommaren 2011 gjekk han til Sunderland.
Landslagskarriere
endreO'Shea debuterte for det irske A-landslaget 15. august 2001 som innbytar i ein heimekamp mot Kroatia. Debuten hans var lite vellykka, då han gav bort eit straffespark som Kroatia skåra på, noko som førte til at kampen enda uavgjort. Han kom ikkje med i Irland sin tropp til fotball-VM i 2002, men har seinare vorte fast på Irland sitt landslag, som oftast som midtstoppar. Han skåra det første landslagsmålet sitt 19. august 2003 i ein privatlandskamp mot Australia.
Merittar
endre- Engelsk ligameister: 2003, 2007, 2008 og 2011 med Manchester United:
- Engelsk cupmeister: 2004 med Manchester United
- Champions League-vinnar: 2008 med Manchester United
Anna
endreO'Shea har spelt i alle posisjonar for Manchester United, også som keeper i sluttminutta av ein ligakamp mot Tottenham Hotspur i februar 2007. Han gifta seg 8. juni 2010.