Jon & Vangelis
Jon and Vangelis er eit samarbeidsprosjekt mellom songaren Jon Anderson (tidlegare frontmann i progrockbandet Yes) og den greske synthesizer-musikaren Vangelis Papathanassiou. I lag gav dei ut fleire populære album i 1980-åra.
| Jon and Vangelis | |||
| Opphav | Hellas Storbritannia | ||
|---|---|---|---|
| Aktiv | 1979–1991 | ||
| Sjanger | New age, elektronisk | ||
| Tilknytte artistar | Yes | ||
| Plateselskap | Polydor Records Arista Records Higher Octave Records | ||
| Tidlegare medlemmer | Jon Anderson Vangelis | ||
Historie
endreI 1974 vart Vangelis vurdert som ein erstattar for Rick Wakeman som klaverspelar i Yes, men jobben gjekk til Patrick Moraz då Vangelis var lunken til å starte i bandet. Han vart under prøvespelinga kjend med Anderson, og han song på Vangelis sitt Heaven and Hell (1975), spelte harpe på Opera Sauvage (1979), og song igjen på See You Later i 1980.
Anderson slutta i Yes mellom 1980 og 1983, og i denne tida starta samarbeidet med Vangelis for fullt. Dei to spelte inn fleire album i lag mellom 1979 og 1991, og fleire hittar som «I Hear You Now» (UK nr. 8), «I'll Find My Way Home» (UK nr. 6)[1] og «The Friends of Mr Cairo» (Canada nr. 1). Anderson skreiv tekstane, medan Vangelis komponerte musikken.
I 1986 gjorde Jon & Vangelis fleire forsøk på å lage eit nytt album, men mykje av dette vart ikkje offisielt gjeve ut under namnet Jon and Vangelis. Tolv songar vart sett saman i 1991 til Page of Life, medan andre songar frå desse innspelingane kom ut seinare, som «Let's Pretend», som er den siste songen på albumet Anderson Bruford Wakeman Howe i 1989. Anderson omarbeidde sjølv Page of Life, som kom ut i 1998 i USA med ni spor. Vangelis godkjende ikkje dette og det er sagt å vere årsaka til at dei ikkje samarbeidde meir.[2] «Sing With Your Eyes» kom ut i 1991 som B-sida til CD-singelen «Wisdom Chain» / «Page of Life».[3] I 2011 møtte Anderson Vangelis for å diskutere eit nytt samarbeid, men fekk ikkje noko svar.[4]
Diskografi
endreAlbum
endre- Short Stories (1980)
- The Friends of Mr Cairo (1981)
- Private Collection (1983)
- Page of Life (1991) (re-released in 1998 with different tracks)
Samlealbum
endre- The Best of Jon and Vangelis (1984)
- Chronicles (1994)
Singlar
endre- «I Hear You Now» / «Thunder» (1979)
- «One More Time» / «The Road» (USA 1980)
- «The Friends of Mr Cairo (edit)» / «Beside» (1981)
- «State of Independence (edit)» / «Beside» (1981)
- «I'll Find My Way Home» / «Back to School (edit)» (Europa/UK 1981)
- «I'll Find My Way Home» / «I Hear You Now» (USA 1982)
- «He is Sailing (edit)» / «Polonaise» (1983)
- «He is Sailing» / «Polonaise / «Song is» (1983)
- «And when the night comes» / «Song is» (UK 1983)
- «State of Independence» / «The Friends of Mr Cairo» (1984)
- «Wisdom Chain (edit)» / «Page of Life» / «Sing with Your Eyes» (1991)
Kjelder
endre- Denne artikkelen bygger på «Jon & Vangelis» frå Wikipedia på engelsk, den 4. september 2014.
- Wikipedia på engelsk oppgav desse kjeldene:
- ↑ Roberts, David (2006). British Hit Singles & Albums (19th utg.). London: Guinness World Records Limited. s. 288. ISBN 1-904994-10-5.
- ↑ «Anderson, Bruford, Wakeman and Howe». vangeliscollector.com. Henta 4. september 2014.
- ↑ «Page of Life». vangelismovements.com. Henta 4. september 2014.
- ↑ http://www.hit-channel.com/interviewjon-anderson-soloyesjon-and-vangelis/4133