Just Lippe
Just Ebbesen von der Lippe (13. januar 1904–24. mars 1978) var ein norsk pressemann og politikar frå Bergen, mangeårig partisekretær i Norges Kommunistiske Parti.
| Just Lippe | |
 | |
| Statsborgarskap | Noreg |
| Fødd | 13. januar 1904 Christiania |
| Død | |
| Yrke | politikar, redaktør, journalist |
| Språk | norsk |
| Politisk parti | Norges Kommunistiske Parti |
| Far | Jakob von der Lippe |
| Mor | Hanna Castberg von der Lippe |
| Ektefelle | Asvor Ottesen |
| Just Lippe på Commons | |
Lippe var medlem i Det norske Arbeidarparti frå 1921. Etter partisplittinga i 1923 tok han steget over i NKP. Saman med Henry W. Kristiansen, Otto Luihn og Albin Eines sat han i 1924 fengsla i fem veker, etter politiet raida partikontoret til NKP. I tida 1925-29 var han partisekretær for Ungkommunistane i Noreg. Frå 1928 var han medlem i eksekutivkomiteen til den kommunistiske ungdomsinternasjonalen. I byrjinga av 1930-åra leia han den skandinaviske avdelinga på den internasjonale Lenin-skulen i Moskva, for så å verte send til Vladivostok.
Lippe flytta til Noreg att og arbeidde til 1940 som journalist i NKP-organet Arbeideren. Han var med i sentralstyret til NKP frå 1937 til -45 og på ny 1950-72. Under 2. verdskrigen flykta han i 1941 til Sverige, der han sat fengsla i halvtanna år. Etter han vart sett fri reiste han vidare til Storbritannia, der melde han seg til teneste i dei norske militære styrkane. Han var offiser i den norske styrken som deltok i frigjeringa av Finnmark vinteren 1945. Frå 1947 til -49 var han journalist i NKP-avisa Friheten, og der etter til 1963 partisekretær i Norges Kommunistiske Parti. Lippe var redaktør for boka Norges kommunistiske partis historie som kom ut i 1963.
Kjelder
endre- Norsk Allkunnebok. VIII. bandet. 1957