Kélétigui Diabaté
Kélétigui Diabaté (1931–30. november 2012)[1] var ein malisk musikar, skildra som ein «uomstridd meister» på balafonen,[2] og som «ein av dei viktigaste personane i moderne malisk musikk».[3]
| Kélétigui Diabaté | |||
| Fødd | 1931 | ||
|---|---|---|---|
| Fødestad | Mali | ||
| Død | 30. november 2012 (81 år) | ||
| Dødsstad | Bamako | ||
| Opphav | Mali | ||
| Aktiv | 1950-åra til 2012 | ||
| Instrument | Balafon, gitar, saksofon | ||
| Verka som | Musikar | ||
Seint i 1950-åra var han med å skipe Orchestre de la Garde Républicaine, som turnerte i Vest-Afrika. Han var òg gitarist og med å skipe L'Orchestre National «A» de la République de Mali, som òg vart kalla Formation A. Dette bandet starta då Mali fekk sjølvstendet sitt i 1960. Eit album av gruppa kom ut i Tyskland i 1970.[3]
Han vart så med i Les Ambassadeurs, som etter 1972 vart leia av songaren Salif Keita.[4] Han utvikla spelestilen sin etter å ha spelt ein konsert med dei amerikanske jazzmusikarar, inkludert vibrafonisten Lionel Hampton og songaren Ella Fitzgerald i 1978.[3]
Han kom saman att med Salif Keita i 1989 og spelte på Keita-albumet Ko-Yan, og spelte på album med musikarar som Zap Mama, Ketama og Bonnie Raitt.[3] Mellom 1998 og 2009 spelte han med bandet til gitaristen Habib Koité, Bamada. Han spelte inn sitt eige album, Sandiya, i 2004.[3]
Kjelder endre
- Denne artikkelen bygger på «Kélétigui Diabaté» frå Wikipedia på engelsk, den 4. oktober 2020.
- Wikipedia på engelsk oppgav desse kjeldene:
- ↑ AFP, Renowned Malian musician Keletigui Diabate dies, 1. desember 2012. Henta 4. oktober 2020
- ↑ Kélétigui Diabaté at African Guild. Henta 4. oktober 2020
- ↑ 3,0 3,1 3,2 3,3 3,4 Cumbancha.com, Kélétigui Diabaté (1931-2012) Arkivert 2012-12-06 ved Wayback Machine.. Henta 4. oktober 2020
- ↑ Biography by Craig Harris at Allmusic.com. Henta 4. oktober 2020