Kabellengd

Kabellengd er eit gammalt lengdemål til sjøs som vart teke i bruk på 1500-talet. Opphavleg tilsvara det lengda på ein full rull med tauverk eller trosser, slik han vart levert frå reipslagaren.

Det har aldri vore nokon klar definisjon av målet, men dei vanlegaste verdiane har vore ¹⁄₁₀ nautisk mil, som er 185,2 m, ved navigasjon og 120 famnar, dvs. 225,9 m ved måling av tauverksrullar.