Karatsjaj
Karatsjaj (russisk Карачай) er ein liten innsjø sør i Uralfjella vest i Russland. Frå 1951 starta Sovjetunionen å dumpe radioaktivt avfall i Karatsjaj frå Majak, det nærliggande lageret og opparbeidingsanlegget for radioaktivt avfall, nær byen Oziorsk[1] (då kalla Tsjeljabinsk-40).
| Karatsjaj | |||
| innsjø | |||
 | |||
| Land |  Russland
| ||
|---|---|---|---|
 Karatsjaj 55°40′38″N 60°47′58″E / 55.677222222222°N 60.799444444444°E | |||
I følgje Worldwatch Institute frå Washington, D.C. sin rapport om radioaktivt avfall er Karatsjaj «den mest forureina staden på jorda».[2] Innsjøen tok opp om lag 4,44 exabecquerel (EBq) med radioaktivitet,[3] inkludert 3,6 EBq av cesium-137 og 0,74 EBq av strontium-90.[1] Til samanlikning førte Tsjernobylulukka til eit utslepp på 5 til 12 Ebq radioaktivitet, men denne strålinga var ikkje konsentrert på ein stad.
Strålingsnivået i regionen i området nær der det radioaktive avfallet vert slept ut i innsjøen var 600 røntgen per time i 1990[4][5], som er meir enn nok til å ta livet av eit menneske i løpet av ein time.
Det radioaktive avfallet i Karatsjaj truar Nordishavet og kan flytte seg rundt halve jorda om det for alvor kjem ut i havet.[6]
Historie
endreI 1960-åra byrja innsjøen å tørke ut og arealet fall frå 0,5 km² i 1951[1] til 0,15 km² mot slutten av 1993.[7] I 1968 etter ein tørkeperiode i regionen, førte vinden med seg radioaktivt støv bort frå dei uttørka områda av innsjøen og bestrålte ein halv million menneske med 185 petabecquerel stråling.[3]
Mellom 1978 og 1986 vart innsjøen fylt med nesten 10 000 hole betongblokker for å hindre at sedimenta flytta seg. Innsjøen er i dag heilt dekt med betong.
Kjelder
endre- Denne artikkelen bygger på «Lake Karachay» frå Wikipedia på engelsk, den 29. august 2008.
- Wikipedia på engelsk oppgav desse kjeldene:
- ↑ 1,0 1,1 1,2 Karatsjaj, arkivert frå originalen 28. desember 2005, henta 29. august 2008
- ↑ Lenssen, "Nuclear Waste: The Problem that Won't Go Away", Worldwatch Institute, Washington, D.C., 1991: 15.
- ↑ 3,0 3,1 Tsjeljabinsk-65[daud lenkje]
- ↑ NRDC (Nuclear Program Staff Publication)[daud lenkje]
- ↑ Wise Nc; Soviet Weapons Plant Pollution
- ↑ Sandia National Lab - Advanced Simulation and Computing Contamination Sites
- ↑ http://www.seattle.battelle.org/RussReg/ResourceCenter/MayakChemicalCombine-RusslandPlutonium.htm[daud lenkje]