Kidderminster
Kidderminster er ein by i Wyre Forest-distriktet i Worcestershire i England. Kidderminster har kring 55 000 innbyggjarar.
|
Kidderminster | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | Worcestershire | |
| Distrikt | Wyre Forest | |
| Geografi | ||
| Innbyggjarar - By (2007) |
57 160 | |
| Koordinatar | 52°23′N 2°15′W / 52.383°N 2.250°W | |
| Diverse annan informasjon | ||
| Postnummer | DY10, DY11 | |
| Telefon-retningsnummer | 01562 | |
Byen ligg rundt 25 km sørvest for Birmingham og ligg ved elva Stour. Byen og området er nemnd i svært gamle kjelder, blant anna avgjorde Offa av Mercia ein tvist om området i 781. Dette førte til at det vart etablert fleire kloster i området, og den tidlegaste namneforma Chedeminstre er nemnd i Domesday Book i 1086. Seinare hadde byen fleire namneformer, som Kedeleministre eller Kideministre (på 1100- og [[1200-taKidereministre (framover mot 1400-talet), til dagens namn Kidderminster vart fastsett på 1500-talet.
Plasseringa ved elva, med tilhøyrande utbygging av Staffordshire and Worcestershire Canal, gav byen transporthøve, og særleg teppeindustri vart utvikla utover på 1700-talet. Denne har vore, og er framleis viktig for byen økonomi. Seinare vart byen òg knytt til jernbanenettet.
Kjente folk frå byen
endre- Richard Baxter (1615-1691), prest og salmeforfattar
- Rowland Hill (1795-1879), lærar og sosial reformist
- Edward Bradley (1827-1889), forfattar
- John Wyer (1909-1989), motorsportsingeniør
- Robert Hamer (1911-1964), regissør og manusforfattar
- Peter Collins (1931-1958), Formel 1- sjåfør
- Robert Plant (1948-), musikar, stiftar av Led Zeppelin
- Alun Evans (1949-), fotballspelar
Kjelder
endre- Denne artikkelen bygger på «Kidderminster» frå Wikipedia på bokmål, den 13. juli 2011.