Kirsten Hansteen
Kirsten Moe Hansteen (5. januar 1903–17. november 1974) var ein norsk kommunistisk politikar for NKP, og kvinnesaksforkjempar.[1] Ho var den første kvinnelege statsråden i Noreg.
| Kirsten Hansteen | |||
| Fødd | 5. januar 1903 Lyngen | ||
|---|---|---|---|
| Død | 17. november 1974 (71 år) | ||
| Statsborgar av | Noreg | ||
| Parti | Norges Kommunistiske Parti | ||
| Yrke | politikar, journalist | ||
| Institusjonar | Universitetsbiblioteket i Oslo | ||
| Utdanna ved | Universitetet i Oslo | ||
| Ektefelle | Viggo Hansteen, Johan Schreiner | ||
| Alle verv |
| ||
Bakgrunn endre
Hansteen var fødd Kirsten Moe i Lyngen. Ho studerte filologi ved Universitetet i Oslo, der ho blei med i det radikale studentmiljøet. Ho gjekk inn i Mot Dag i 1927.[2] I 1930, gifta ho seg med advokaten Viggo Hansteen, gjekk ho over til partiet hans, NKP.
Viggo Hansteen blei dømt til døden og skoten av den tyske okkupasjonsmakta i 1941, og Kirsten Hansteen blei åleinemor for tre barn. Under krigen redigerte ho likevel det illegale bladet Kvinnefronten, som ho heldt fram med til 1945. I samarbeid med Henriette Bie Lorentzen grunnla og utgav Hansteen tidsskriftet Kvinnen og tiden i 1945, og var utgjevar fram til 1955.
I 1945 vart Kirsten Hansteen konsultativ statsråd i samlingsregjeringa, den første kvinnelege statsråden i Noreg.[3] Ho representerte Akershus på Stortinget frå 1945 til 1949. I tillegg til kvinnesaker, var Hansteen etter den andre verdskrigen ein pådrivar for fredsarbeid. Ho var medlem av styret i Verdensfredsrådet, og deltok på ei rekke fredskonferansar og skreiv artiklar mot atomvåpenopprusting.[4]
Kjelder endre
- ↑ «Hansteen, Kirsten Moe», www.leksikon.org, henta 12. november 2022
- ↑ Halvorsen, Terje (29. juni 2022). «Kirsten Hansteen». Norsk biografisk leksikon (på norsk bokmål).
- ↑ Tvedt, Knut Are (26. november 2021). «Kirsten Hansteen». Store norske leksikon (på norsk bokmål).
- ↑ Halvorsen, Terje (29. juni 2022). «Kirsten Hansteen». Norsk biografisk leksikon (på norsk bokmål).