Kjerag

	Kjerag
	fjell
Land	Noreg
Område	Forsand (Rogaland)
Høgd	1 110 moh.
Koordinatar	59°01′22″N 6°34′12″E / 59.02278°N 6.57000°E
	; Kjerag; 59°01′59″N 6°35′45″E / 59.033055555556°N 6.5958333333333°E
	Wikimedia Commons: Kjerag

Kjerag er eit fjellplatå på sørsida av Lysefjorden i Forsand kommune i Rogaland fylke. Platået er eit kjent turistmål i regionen. Det høgaste punktet er 1110 meter over havet, men det er nordsida med eit fall på 984 meter ned til Lysefjorden som trekkjer til seg dei fleste turistane, inkludert mange basehopparar.

I vestre del av platået finst Kjeragbolten, som er ein 5 m³ stor stein. Steinen er kilt i ei kløft i fjellet 1000 m over Lysefjorden.

Turstien til Kjerag startar ved Øygardstølen – ein restaurant 640 m over Lysebotn. Ein gåtur inn til Kjerag kan ta noko over to timar kvar veg.

BASE-hopping

Kjerag har vorte ein populær stad for BASE-hopping. Frå 1994 til 2008 vart det utført 29 000 hopp.[1] Arkivert 2010-03-12 ved Wayback Machine. Frå 1994 til 2005 mista 9 basehopparar livet ved Kjerag, dei fleste av dei frå utlandet. [2] Arkivert 2007-09-30 ved Wayback Machine.

I den norske dokumentarfilmen Loop kan ein sjå Kristen Reagan som først klatrar opp dei 1000 metrane og så kastar seg utfor same fjellvegg med fallskjerm.

Sjå òg

Preikestolen

Bakgrunnsstoff

Artikkel i Aftenbladet Arkivert 2007-09-30 ved Wayback Machine.