Namnet Lovisa

Lovisa er ei svensk form av kvinnenamnet Lovise som er ei norsk og dansk form av Louise, eit opphavleg fransk kvinnenamn danna av mannsnamnet Louis, som stammar frå det frankiske Ludvig som på si side kjem frå dei gammalhøgtyske orda hlod, «ry», og wig «kamp, krig».

Portrett av Lovisa Christina Schönherr (1745-1819), svensk silkemakar

Lovisa har namnedag 25. august i Sverige.

Utbreiing

Lovisa var eit svært vanleg namn i Sverige på midten av 1800-talet.

Kjende personar med namnet

Personane i lista er ordna kronologisk etter fødselsår.

• Lovisa von Burghausen (1698-1733), svensk kvinne kjend for soga si om å ha vore krigsfange og slacve i Asia i samband med den store nordiske krigen
• Lovisa Ulrika av Preussen (tysk Luise Ulrike, norsk Louise Ulrike, 1720-1782), dronning av Sverige
• Lovisa Concordia Simson (1746-1808), svensk teaterdirektør
• Lovisa Augusti (f. Ester Salomon; 1751/1756–1790), svensk operasongar
• Lovisa Charlotta Malm-Reuterholm (1768–1845), finlandssvensk målar og forfattar
• Maria Lovisa Åhrberg (1801–1881), svensk «sår-läkarinna» (sår-lege)
• Lovisa av Sverige (1851–1926), dronning av Danmark
• Selma Ottilia Lovisa Lagerlöf (1858–1940), svensk forfattar
• Greta Lovisa Gustafsson (1905–1990), svensk-amerikansk skodespelar kjend som Greta Garbo

Annan bruk av namnet

• Lovisa (Loviisa), finsk kommune
• Hønse-Lovisa, rollefigur i romanen Ungen av Oskar Braaten

Referansar

• Denne artikkelen bygger på «Lovisa (navn)» frå Wikipedia på bokmål, den 25. september 2020.