Lüneburger Heide
53°10′7″N 9°56′23″E / 53.16861°N 9.93972°E
Lüneburger Heide, som på lågtysk heiter Lümbörger Heid, er eit stort og for det meste flatt lynghei- (hede-), geest- og skogslandskap nordaust i delstaten Niedersachsen i Tyskland. Namnet har dette området fått etter byen Lüneburg, og femner om hovudparten av det som i tidlegare tider var fyrstedømet Lüneburg.
Deler av Lüneburger Heide vert no teke vare på som naturpark, det vil seie at det er eit verna og vedlikehalde kulturlandskap. Dette lyngheilandskapet oppstod allereie i yngre steinalder som fylgje av at menneske hogg og brente den skogen som då stod der for å nytte området framfor alt til beiteland for husdyr, då jordbotnen av sand og aur er lite egna til dyrking. Fram mot byrjinga av 1800-talet dekka slike lyngheier (geest-område) store delar av Nord-Tyskland, men no er det for det meste berre dei sentrale områda av Lüneburg Heide som er att.
-
Wilseder Berg, som er ein endemorene frå Saale-istida, er med sine 169,2 moh den høgste høgda på Lüneburger Heide -
Utsyn frå Wilseder Berg -
Myr i nærleiken av byen Schneverdingen, midt i Naturpark Lüneburger Heide -
Kart over Lüneburger Heide -
Arealfordelinga i 1801, då lyngheia var på sitt største i det som no er verneområdet (Heide= lynghei; Offensandflächen= sand og aur i dagen; Moor= myr; Acher und Weideland= åker og beitemark; Wald= skog; Dörfer und Höfe= landsbyar og gardar) -
Arealfordelinga i 2006
