Land frå husdyr

Land (norrønt hland) er urin frå husdyr som blir samla og brukt som gjødsel. I tradisjonelt norsk jordbruk skilde ein ut den flytande gjødsla frå den faste og samla henne i landkum. Land var rik på nitrogen og kalium.

I moderne husdyrhald, der avføringa gjerne er blautare enn ho var før, skil ein ikkje avføring og urin. Desse blir i staden brukte saman som blautgjødsel.