Lauriz Oftedahl

Lauriz Andreas Oftedahl (fødd Lars Andreas Oftedahl, 19. mai 1781–17. mars 1843) var ein norsk lærar, prest og eidsvollsmann.

Lauriz Oftedahl
Fødd	Lars Andreas Oftedahl 19. mai 1781 København
Død	17. mars 1843 (61 år)
Statsborgar av	Noreg
Yrke	prest, politikar
Alle verv	vararepresentant til Stortinget (1827–1829) vararepresentant til Stortinget (1830–1832) medlem av Riksforsamlinga på Eidsvoll (1814–1814)

Oftedahl var fødd i København, faren var ein norsk offiser. Han voks delvis opp i Kristiansand, og vart derifrå student i 1796. I 1800 vart han cand. theol.. Same året vart han lærar ved katedralskulen i Kristiansand. År 1809 vart han sokneprest i Rennesøy. I 1817 vart han residerande kapellan i Kristiansand, stiftsprost i 1825. Frå 1831 til han døydde var han sokneprest i Eiker.

På riksforsamlinga på Eidsvoll i 1814 møtte Oftedahl som 1. utsending frå Stavanger amt. Han høyrde til unionspartiet, og var medlem av deputasjonen som 17. mai møtte kong Kristian Fredrik.

Oftedahl døydde på prestegarden i Eiker i 1843.

Kjelde

• Lindstøl, Tallak: Stortinget og Statsraadet 1814-1914. Kristiania, 1914