Kokaburra
Kokaburra, òg kalla latterfugl, er ei samnemning for fuglar i tre biologiske slekter i isfuglfamilien. Slektene er Lacedo, Dacelo og Clytoceyx. Dette er store, kraftige isfuglar med utbreiing i hovudsak i Australia og på Ny-Guinea; éin art, blåhettekokaburra, finst i Søraust-Asia. Som andre isfuglar er dei vent farga. Den mest kjente kokaburraen er latterkokaburra, Dacelo novaeguinea, som har fått namnet fordi lætet liknar hysterisk menneskelatter. Han er aggressiv, og blant dei best kjende fuglane i Australia.
Ordet kokaburra (på dagens engelsk kookaburra) stammar frå aboriginarspråket wiradhuri (wiradjuri) eller nærskylde språk. På wiradhuri viser ordet til latterkokaburra og har forma guguburra.[1]
Artslista
endreKokaburraer i rekkjefølgje etter Clementslista versjon 6.7 frå september 2012[2] med norske namn etter Norske navn på verdens fugler.[3]
- Blåhettekokaburra, Lacedo pulchella
- Latterkokaburra, Dacelo novaeguineae
- Larmekokaburra, Dacelo leachii
- Fregnekokaburra, Dacelo tyro
- Kvitnebbkokaburra, Dacelo gaudichaud
- Plogkokaburra, Clytoceyx rex
Kjelder
endre- «kokaburraer» i Store norske leksikon, snl.no. (fri lisens)
Referansar
endre- ↑ «kookaburra», Australian Oxford Dictionary, Oxford University Press, 2004
- ↑ Clements, J.F.; T.S. Schulenberg; M.J. Iliff; B.L. Sullivan; C. L. Wood (september 2012), The Clements checklist of birds of the world: Version 6.7 (Excel spreadsheet), Cornell Lab of Ornithology, henta 1. oktober 2012
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)