Lauritz Johnsen
Lauritz Johnsen (16. desember 1831–18. februar 1908) var ein norsk gardbrukar og stortingsmann frå Glemmen i Østfold.
| Lauritz Johnsen | |
| Statsborgarskap | Noreg |
| Fødd | 16. desember 1831 Glemmen kommune |
| Død |
18. februar 1908 (76 år) |
| Yrke | bonde, politikar |
| Språk | norsk |
Johnsen var son til ein gardbrukar. Frå 1851 var han sjølv gardbrukar på farsgarden Lisleby. Han var medlem av heradsstyret frå 1858 til -98, ordførar i periodane 1864-76 og 1880-98. Elles var han presten sin medhjelpar i 30 år og forlikskommissær 1860-1905. Han var også medlem av amtsutvalet og av tilsynskomiteen for amtssjukehuset, og revisor i ti år for overformynderiet.
Johnsen møtte på Stortinget første gongen frå 22. mars 1872 og heile 1873-sesjonen som 1. varamann for Smaalenenes amt. Han møtte i staden for avdøde Johan Ludvig Widding og fekk sete i militærkomiteen. Stortingsperioden 1880-82 og på omframstortinget var han 4. representant frå amtet, var då medlem protokollkomiteen.
Johnsen døydde på slektsgarden Lisleby i 1908.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Lauritz Johnsen NSD Norsk senter for forskningsdatas politikararkiv