Lauritz Sirevaag
Lauritz Bernhard Sirevaag (14. mars 1926–11. november 2016) var ein norsk bankmann og politikar frå Stavanger. Han representerte Rogaland og partiet Høgre på Stortinget frå 1969 til -77.
| Lauritz Sirevaag | |
| Statsborgarskap | Noreg |
| Fødd | 14. mars 1926 Stavanger kommune |
| Død |
11. november 2016 (90 år) |
| Yrke | politikar, banksjef |
| Språk | norsk |
| Politisk parti | Høgre |
Sirevaag var avdelingssjef i Sandnes Dampskibs-Aktieselskab 1948-1965 og sonesjef i A/S Norske Esso i Stavanger åra 1966-69. Etter åtte år på Stortinget var han frå 1977 banksjef i Rogalandsbanken A/S, fyrst fem år på Bryne og sidan like lenge i Sandnes. Der etter var han regionbanksjef og til sist distriktsbanksjef 1991-93 i Fokus Bank A/S.
Sirevaag var aktiv i lokal- og fylkespolitikken i Sandnes og i Rogaland i fleire tiår. Han var med i formannskapet i Sandnes frå 1964 til 1971, ordførar i kommunen 1968-69. Hausten 1969 vart han vald til stortingsrepresentant for Høgre i Rogaland, attvald i 1973. Dei fire fyrste åra på Stortinget var han medlem i Sosialkomiteen, i den andre tingperioden hadde han sete i Industrikomiteen. Seinare var han i tolv år, 1987-99, medlem i fylkestinget i Rogaland, der han i perioden 1987–91 var med i fylkesutvalet.