Lauterbrunnen

Lauterbrunnen er ein kommune i distriktet Interlaken-Oberhasli i kantonen Bern i Sveits. Kommunen har 2 558 innbyggjarar (2010) og eit areal på 164 km². Kommunesenteret ligg 795 meter over havet.

Lauterbrunnen
Horisonten til Lauterbrunnen
Kommunevåpenet til Lauterbrunnen
Plassering
Styresmakter
Land	Sveits
Kanton	kantonen Bern
Distrikt	Interlaken-Oberhasli
Språk	tysk
Geografi
Flatevidd  - kommune	164,4 km²
Innbyggjarar  - kommune (desember 2010)    - folketettleik	2 558   15,6 /km²
Koordinatar	46°36′0″N 7°54′0″E
Høgd over havet	795 moh.
Diverse annan informasjon
Postnummer	3822
Nettstad: www.lauterbrunnen.ch

Landsbyen Lauterbrunnen

Kommunen består av ein trong dal, Lauterbrunnental, der landsbyane Lauterbrunnen og Stechelberg ligg. Landsbyane Mürren, Gimmelwald og Isenfluh ligg i hengedalar aust for Lauterbrunnental, medan den kjende skisportstaden Wengen ligg vest for hovuddalen. Korkje til Gimmelwald, Mürren eller Wengen går det bilveg, til desse stadene går det jarnbane eller togbane. Namnet Lauterbrunnen kjem av dei 72 fossane som finst i Lauterbrunnental. Den mest kjende av desse er Staubbachfall mindre enn ein kilometer frå Lauterbrunnen. Elva Lütschine renn gjennom Lauterbrunnen.

Allereie i dei første tiåra av 1800-talet byrja det kome turistar til kommunen, særleg dei som var inspirert av kunstretninga romantikken. Sidan det første hotellet kom opp i Wengen i 1859, har kommunen vakse fram til eit stort turistmål.

Galleri

• 
  Lauterbrunnental
• 
  Staubbachfall
• 
  Blick auf Lauterbrunnen mit der weissen Lütschine
• 
  Bahnhof Lauterbrunnen

Kjelder

• Denne artikkelen bygger på «Lauterbrunnen» frå Wikipedia på tysk, den 8. oktober 2011.

Bakgrunnsstoff

• www.lauterbrunnen.ch Offisiell nettstad
• Anne-Marie Dubler: Lauterbrunnen på tysk, fransk og italiensk i det nettbaserte Historisches Lexikon der Schweiz/Dictionnaire historique de la Suisse/Dizionario storico della Svizzera.
• Truemmelbachfaelle