Leiv Mjeldheim
Leiv Mjeldheim (fødd 29. januar 1929 i Arna, død 12. oktober 2011) var ein norsk historikar. Han vart magister i statsvitskap i 1953, og arbeidde som utanriksmedarbeidar i Bergens Tidende mellom 1956-66. Universitetslektor ved Universitetet i Bergen 1966, og professor same stad 1975–96. Fagområdet hans var særskilt norsk politisk historie og partitilhøve.
| Leiv Mjeldheim | |||
| Fødd | 26. januar 1929 | ||
|---|---|---|---|
| Død | 12. oktober 2011 | ||
| Nasjonalitet | Noreg | ||
| Yrke | journalist, professor, historikar | ||
| Institusjonar | Universitetet i Bergen | ||
| Medlem | Det Norske Videnskaps-Akademi | ||
Mjeldheims viktigaste verk som historikar var to store band om Venstres historie frå etableringa til 1940 – ”Folkerørsla som vart parti. Venstre få 1980-åra til 1905” og ”Den gylne mellomvegen. Tema frå Venstres historie 1905 – 1940”. Han skreiv også ein studie av partiet under valskipnaden av 1905/06: ”Parti og rørsle. Ein studie av Venstre i landkrinsane 1906-1918.” Boka er detaljrik og veldokumentert med grunnlag i kjelder frå ei rekkje arkiv, både lokalt og nasjonalt.
Mjeldheim skreiv lokalhistoriske studiar og leidde arbeidet i Arna bygdeboknemd.
Mjeldheim var dessutan forfattar og medforfattar til fleire lærebøker i samfunnsfag og politikk.
Utvalde verk
endre- Ministeriet Konow 1910–12. Ein studie i parlamentarisme og partipolitikk (1955)
- Politiske prosessar og institusjonar (1969)
- Det politiske system (1971)
- Parti og rørsle (1978)
- Folkerørsla som vart parti. Venstre frå 1880-åra til 1905 (1984)
- Den gylne mellomvegen (2006)
Bakgrunnsstoff
endre- Minneord om Leiv Mjeldheim i På Høyden, 20.10.2011
Kjelder
endre«Leiv_Mjeldheim» i Store norske leksikon, snl.no.