Lennart Atterwall
Lennart Folke Alfons Atterwall, fødd Ohlsson, (26. mars 1911–23. april 2001) var ein svensk friidrettsutøvar frå Perstorp i Skåne som tevla i spjutkasting og mangekamp. Han vart europameister i spjutkasting under friidretts-EM 1946 i Oslo.
| Lennart Atterwall | |
|
| |
| Statsborgarskap | Sverige |
| Fødd | 26. mars 1911 Perstorp |
| Død | |
| Idrett | friidrett |
| Tok del i | |
Atterwall var svensk meister i spjukasting åtte gongar; 1934-35, 1937-41 og 1946. I tillegg vann han femkampen i den svenske meisterskapen i 1937, og tikampen i 1940.
Sommaren 1936 deltok Atterwall i Sommar-OL 1936 i Berlin, og vart fjerdemann i spjuttevlinga med eit kast på 69,20 m. Seks veker seinare, den 20. september, sette han svensk rekord i øvinga med eit kast som målte 71,72 m.
I landskampen mellom Ungarn og Sverige 9.-10. oktober 1937 i Budapest vann Atterwall spjutkastinga med 75,10 m, men kastet vart ikkje godkjend som svensk rekord grunna sterk medvind. Ei veke etterpå, den 17. oktober, forbetra han i Stockholm sin svenske rekord til 74,77 m. Rekorden stod seg til 1951. Året etter vart han nummer seks i spjutøvinga ved EM i friidrett 1938 i Paris.
Atterwall vann gullmedaljen i spjutkast under EM i friidrett 1946 i Oslo. På Bislett stadion fekk han opp eit kast på 68,74 m og viste finnane Yrjö Nikkanen og Tapio Rautavaara til sølv- og bronseplass.
Atterwall la opp i 1947.
Kjelder endre
- Denne artikkelen bygger på «Lennart Atterwall» frå Wikipedia på tysk, den 24. august 2016.
- Denne artikkelen bygger på «Lennart Atterwall» frå Wikipedia på svensk, den 24. august 2016.
Bakgrunnsstoff endre
- «Lennart Atterwall» (på engelsk). Olympedia. Henta 4. mars 2023.