Libanon i Eurovision Song Contest

	;
	; TL
	; TL
Uttakingar
Deltaking
Deltakingar	0
Beste resultat
Verste resultat
Poeng

Libanon skulle debutere i semifinalen i Eurovision Song Contest 2005 med songen «Quand tout s'enfuit», framført av Aline Lahoud. Landet stilte ikkje opp, sjølv om dei hadde meldt seg på. Det var fordi dei ikkje ville syna bidraget til Israel. I følgje reglane til Den europeiske kringkastingsunionen (EBU) skal alle land som deltek og røystar i tevlinga syne alle bidraga på direktesendt fjernsyn. Libanon vart straffa med utestenging frå tevlinga i tre år fordi dei ikkje deltok, sjølv om dei meldte seg på.

Kringkastinga av det israelske bidraget

15. desember 2004 annonserte Télé Liban (TL) at finansielle problem tvinga dei til å trekkje seg frå tevlinga, og nekta for at det var grunna politiske konfliktar med Israel. Men fem dagar seinare, laga EBU ein avtale med TL og Libanon vart set på den offisielle lista over deltakarar.

I mars 2005 vart Israel fjerna som deltakar frå nettstaden til Libanon i Eurovision Song Contest. EBU gav TL 24 timar på å rette opp i feila, elles kunne dei risikere å verte diskvalifisert. TL fjerna alt innhald frå nettstaden og erstatta det med ein link til eurovision.tv, den offisielle nettstaden til Eurovision Song Contest.

Seinare same månad ville EBU forsikre seg at TL kom til å kringkaste heile tevlinga, inkludert det israelske bidraget, utan avbrot. TL kunne ikkje garantere dette, og 18. mars 2005 trekte dei seg frå tevlinga. I Libanon er det ikkje lov å kringkaste israelsk innhald på libanesisk fjernsyn. TL skreiv på sine nettstader at det «ikkje er tillatt å kringkaste resultata til det israelske bidraget, noko som er brot på reglane i Eurovision Song Contest 2005». Sidan TL trekte seg kort tid før tevlinga, var dei straffa med utestenging frå tevlinga i tre år.

2008

I 2007 sa den libanesiske songaren Mika at han var interessert i å delteke for Libanon i 2008, men for ein annan libanesisk kringkastar som ikkje var utestengt. Til dømes Lebanese Broadcasting Corporation (LBC) eller Future Television kunne delteke, men ingen av dei var medlem i EBU. Han deltok aldri, og landet har ikkje gjort fleire forsøk på å delteke i tevlinga etter at utestenginga til TL opphøyrde.

Bidraga

År	Artist	Song	Språk	Finalen		Semifinalen
År	Artist	Song	Språk	Poeng	Plass	Poeng	Plass
2005	Aline Lahoud	«Quand tout s'enfuit»	Fransk	Trukket

Kjelder

Denne artikkelen bygger på «Libanons bidrag i Eurovision Song Contest» frå Wikipedia på svensk, den 18. august 2011.

Denne artikkelen bygger på «Lebanon in the Eurovision Song Contest» frå Wikipedia på engelsk, den 7. januar 2012.