Limits av Pænda
| «Limits» Song av Pænda | ||
| Land | Austerrike | |
| Språk | Engelsk | |
| Utgjeve | 8. mars 2019 | |
| Sjanger | Elektropop | |
| Lengd | 03:24 | |
| Selskap | Wohnzimmer | |
| Komponist | Pænda | |
| Tekstforfattar | Pænda | |
| Låtskrivar(ar) | Gabriella Horn | |
|---|---|---|
«Limits» ('grenser') er ein popsong frå 2019 som er komponert og vert framført av den austerrikske musikaren Pænda. Songen var det austerrikske bidraget til Eurovision Song Contest 2019 i Tel Aviv i Israel.
Bakgrunn
endre«Limits» er skriven av låtskrivaren og musikkprodusenten Gabriella Horn, betre kjent under artistnamnet Pænda. Songen er ein av låtane på albumet Evolution II som vart gjeve ut 26. april 2019.[1] På førespurnad frå kringskastaren ORF sende ho hausten 2018 inn «Limits» til vurdering for Eurovision Song Contest, og ORF valde songen som det austerrikske bidraget i tevlinga.[2]
«Limits» er ein popballade som fortel om korleis Horn i sin iver og lidenskap for musikk pressa seg forbi alle grensene sine, heilt til grensa for fullstendig utmatting. Songen fortel om sårbarheita hennar og erkjenninga om at ho må ta ein pause og ikkje presse alle grensene.[3]
I januar 2019 vart Austerrike trekt ut til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Austerrike hadde startnummer 9.[4] «Limits» enda på 17. plass i semifinalen og var dimed ikkje kvalifisert til finalen laurdag 18. mai.[5]
Kjelder
endre- ↑ «Austria | PÆNDA Releases New Album Evolution II - Win A Signed Copy» (på engelsk). Henta 7. mai 2019.
- ↑ «It’s Pænda singing ‘Limits’ for Austria!» (på engelsk). Henta 7. mai 2019.
- ↑ «PÆNDA - Austria — Tel Aviv 2019». Henta 7. mai 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». 16. mai 2019. Henta 17. mai 2019.
- Denne artikkelen bygger på «Limits (Pænda-sang)» frå Wikipedia på bokmål, den 25. desember 2021.