Long Litt Woon
Long Litt Woon (fødd 1958) er ein malaysisk-norsk sosialantropolog, embetsmann, konsulent og forfattar.
| Long Litt Woon | |
| Statsborgarskap | Noreg |
| Fødd | 1958 (66 år) Taiping |
| Yrke | embetsmann |
Long Litt Woon blei fødd i Taiping i Malaysia, og kom til Noreg som utvekslingsstudent. Her møtte ho den seinare ektemannen sin Eiolf Olsen, og blei etterkvart busett i Oslo.[1]
Long er utdanna mag. art. i sosialantropologi ved Universitetet i Oslo i 1988. Ho var førstekonsulent i Departementet for utviklingshjelp (1988–89), og var seinare førstekonsulent, prosjektleiar og byråsjef i Kommunaldepartementet (1989–1998). Ho var tilknytt Europakommisjonen som nasjonalekspert 1994-95. Frå 1998 til 2003 arbeidde ho i Deloitte. Long Litt Woon var direktør for Likestillingssenteret frå 2003 til 2005,[2] og har sidan arbeidd som konsulent i Long & Olsen. Ho har også vore med i fleire styre og utval.[3][4]
Long Litt Woon er mellom anna kjend for teksten «Hvordan jeg lærte å gå på tur», om turgåing i norsk kultur. I 2017 gav ho ut boka Stien tilbake til livet. Om sopp og sorg, som tek utgangspunkt i sorga etter at mannen hennar døydde brått, og at ho etterkvart blei kjend med sopp og sopplukkarar. Long er no soppsakkyndig.[5]
Bibliografi endre
- Long Litt Woon: «Norsk friluftsliv sett utenfra. Eller: Hvordan jeg lærte å gå på tur», i Kristin Bodsberg og Kjersti Moltubakk (red.): Friluftsliv, Trondheim: Direktoratet for naturforvaltning, 1995, ISBN 8270721921
- Long Litt Woon (red.): Fellesskap til besvær? Om nyere innvandring til Norge, Oslo: Universitetsforlaget, 2002, ISBN 8200029492
- Long Litt Woon: Stien tilbake til livet. Om sopp og sorg, Bergen: Vigmostad & Bjørke, 2017, ISBN 9788241915482
Kjelder endre
- ↑ «Long Litt Woon. Unexpected Dawn: A story about mushrooms and grief. Stien tilbake til livet. Om sopp og sorg» (PDF). norla.no.
- ↑ «Long Litt Woon». Store norske leksikon (på norsk). 20. januar 2015.
- ↑ «William Nygaard ny styreleder i NRK». Kulturdepartementet. 10. juni 2010. Henta 10. juni 2010.
- ↑ Kirke-, utdannings-og forskningsdepartementet (3. mai 1995), «NOU 1995: 9», 014005-020004 (på norsk), henta 29. januar 2019
- ↑ «Long Litt Woon», vigmostadbjorke.no, henta 29. januar 2019
- Denne artikkelen bygger på «Long Litt Woon» frå Wikipedia på bokmål, den 29. januar 2019.
Bakgrunnsstoff endre
- http://www.long.no/ Arkivert 2019-01-29 ved Wayback Machine.
- – Det er lørdagsgodt for soppkjennere. Soppintervju i smak, dn.no