Lydia

For andre tydingar av oppslagsordet, sjå oldtidsriket Lydia.

Lydia og Lydie er kvinnenamn som på gresk tyder 'kvinne frå Lydia'.

Merkelapp for urtemedisinen til ei Lydia Pinkham.

Den britiske suffragisten Lydia Becker i 1873.

Lydia har i Noreg namnedag den 13. desember.

Bruk

Lydia var utbreidd i USA på 1800-talet. Rundt 1880 blei det brukt for over 0,300 % av jentebarn. Bruken var lågare på 1900-talet, men tok seg noko opp frå 1990-åra.

Bruken av namnet i Noreg

Namnet var populært i Noreg omkring 1900. Popularitetskurva hadde eit botnnivå i første halvdelen av 1960-åra.

Ved folketeljinga i 1801 var det knapt 50 med dette namnet i Noreg

Ved folketeljinga i 1900 var det 1309 som heitte Lydia og 44 som heitte Lydie.

I 2008 var det 493 som hadde Lydia som fornamn. I 2015 var talet 616.

Lydia som bibelsk namn

Lydia var i følgje Apostelgjerningane ei kvinne i Filippi. Ho tok imot Paulus og Silas og heldt møte i heimen sin.

Kjende namneberarar

Minnestein for den estiske diktaren Lydia Koidula.

• Lydia Sigourney (1791-1865), amerikansk diktar
• Lydia Maria Child (1802–1880), amerikansk forfattar og aktivist
• Lydia Kamakaeha (1838–1917), seinare dronning Liliuokalani av Hawaii
• Lydia Thompson (1838–1908), fødd Eliza Hodges Thompson, engelsk skodespelar
• Lydia Koidula (1843–1886), estisk forfattar
• Lydia Becker (1827–1890), engelsk stemmerettsforkjempar
• Lydia Rabinowitsch-Kempner (1871–1935), litauisk-tysk medisinar
• Lydia Olsrud (1884–1983), norsk næringsdrivande i Mosjøen
• Lydia Skoblikova (f. 1939), sovjetisk skeiseløpar
• Lydia Shum Din-Ha eller Lydia Sum (1945—2008), skodespelar frå Hong Kong

Annan bruk

• 110 Lydia er ein stor hovudbelteasteroide

Kjelder

• Folketeljingar i Digitalarkivet
• Internasjonal namnestatistikk for Lydia på behindthename.com

Bakgrunnsstoff

• Søk etter norsk namnestatistikk for Lydia hjå Statistisk Sentralbyrå