Målarstokk

Målarstokk er ein liten stokk eller pinne som kunstmålarar bruker til å støtta handa på når dei målar med ein pensel.

«Illustrasjon slår forklaring». Reklameplakat for Western Engraving i Seattle USA 1916 viser ein illustratør med målarstokk å støtta teiknehanda på.

Stokken er rett, tynn, vanlegvis 70-80 cm lang og utstyrt med ei lita kule eller mjuk pute i den eine enden. Ved å kvila handa på stokken kan ein arbeida meir kontrollert med detaljar og føra penselen utan å klina til måleriet.

På sjølvportrett og andre måleri frå perioden frå 1500- til 1800-talet er målarstokk typisk målarutstyr saman med palett, penslar og staffeli.

Målarstokk blir kalla maulstick eller mahlstick på engelsk etter det nederlandske maalstok.

Galleri

• 
  Miniatyrmaleri frå 1533 av evangelisten Lukas som målar jomfru Maria med målarstokk og staffeli.
• 
  Sjølvportrett av Catharina van Hemessen frå 1548
• 
  Sjølvportrett av Sofonisba Anguissola frå 1556
• 
  Sjølvportrett av Thomas Willeboirts Bosschaert (1613–1654) frå 1637
• 
  Sjølvportrett av Adriaen van Ostade frå 1663
• 
  Portrett av George Morland måla av John Raphael Smith i 1792
• 
  Sjølvportrett av Rolinda Sharples med mor ca. 1820
• 
  Litografi av sjølvportrett av Alexandre-Gabriel Decamps frå 1852
• 
  Eva Gonzalès måla av Édouard Manet frå 1870

Kjelder

• Denne artikkelen bygger på «Malerstokk» frå Wikipedia på bokmål, den 29. mars 2020.