Møsstrond
Møsstrond er eit 1055 km² stort kyrkjesokn i Rauland prestegjeld i Vinje kommune i Telemark. Det spreiddbygde soknet ligg kring Møsvatnet, og har i dag ikring 150 ibuarar, av dei er ca 40 utan vegsamband. Desse sistnemnde reiser av gard med snøskuter om vinteren og båt sommarstida. Båten går månadene juli-september i rute mellom Skinnarbu i søraust og Mogen i nordvest.
Etter Møsvatnet vart demd opp i 1904-06, vart Møsstrond kyrkje liggjande på ei øy kalla Hovden. På staden her var det i si tid brevhus og talestasjon. Også den siste internatskulen i Sør-Noreg heldt hus på den menneskeskapte øya. Folketalet var på det høgste kring 1950 med 177 ibuarar, og har sidan gått svakt nedover.
Mogen turisthytte i nordvestenden av Møsvatnet ligg i Møsstrond.
Plassar rundt vatnet
endre-
Hovden -
Hovden nørdre -
Førnes vestre -
Førnes austre -
Sundet -
Holvik østre
Kjelder
endre- «Møsstrond». Norsk allkunnebok. 8. bandet. Oslo: Fonna. 1957. s. 817.
Bakgrunnsstoff
endre- Øystein Kostveit (2000). Fjellbygdi ved Møsvatn. Historiske glimt. Oslo: Landbruksforlaget. ISBN 82-529-2505-7.
- Irmelin Martens og Anna M. Rosenqvist (1988). Jernvinna på Møsstrond i Telemark. Oslo: Universitetets oldsaksamling. ISBN 82-7181-072-3.