MS «Fru Inger»
| Karriere |  Noreg |
|---|---|
| Namn: | MS «Fru Inger» |
| Eigar: | Fosen Aktie Dampskibselskab |
| Verft: | A/S Stord i Stord kommune |
| Verftsnummer: | 6 |
| Sjøsett: | 26. august 1949 |
| Døypt: | fru Storli |
| Heimehamn: | Trondheim |
| Kjennemerke: | LIOZ |
| Generelle mål | |
| Type: | Kystrytebåt |
| Tonnasje: | 461 brt |
| Lengd: | 46,91 m |
| Breidd: | 8,38 m |
| Djupgang: | 3,35 m |
| Installert effekt : | 1000 hk |
| Framdrift: | Totakts dieselmotor frå Crossley |
| Fart: | 14 knop |
| Passasjerar: | 497 passasjerar |
| Generelle mål etter ny motor 1968 | |
| Installert effekt : | 1350 hk |
| Framdrift: | 2 SC SA frå Wichmann |
| Fart: | 13,5 knop, |
| Karriere |  Vest-Tyskland |
| Namn: | MS «Fru Inger» |
| Overdratt: | 24. oktober 1977 |
| Karriere |  USA |
| Namn: | MS «California Rose» |
| Overdratt: | før 1985 |
| Karriere |  Mexico |
| Namn: | MS «California Rose» |
| Overdratt: | 1990-åra |
| Lagnad: | ukjend |
MS «Fru Inger» var ein kystrutebåt levert for Fosen Aktie Dampskibsselskap frå A/S Stord i 1950.
Historie endre
M/S «Fru Inger» vart sjøsett 26. august 1949, døypt av fru Storli. Båten vart klassifisert av Det Norske Veritas for innaskjersfart og kunne ta 497 passasjerar. Skroget vart bygt ekstra kraftig, særleg forskipet, fordi båten skulle segle i særskild verharde område.
Skipet vart levert til Fosen Dampskipselskap den 10. juni 1950 og gjekk inn i ruta Trondheim-Hitra-Frøya.
Det grunnstøytte den 18. februar 1953 ved Hestvika og fekk store skadar. Reparasjonen tok tre månader. «Fru Inger» fekk ny motor 1. mai 1968 og fortsette i same ruta fram til 1973. Reisemønsteret hadde då endra seg i løpet av åra. Folk køyrte i større grad med privatbilar i tillegg til at hydrofoilbåtane kom til området. «Fru Inger» vart derfor lagt i opplag.
Seinare historie endre
13. mai 1974 kjøpte Alf Nepstad i Bergen skipet, og i desember 1976 vart det selt til Dansk Norsk Skips A/S i Fredrikstad, men var framleis registrert i Bergen.
24. oktober 1977 vart skipet selt til ein kjøpar i Panama og registrert under Vest-Tyskland. Skipet vart observert på vestkysten av USA i 1985, og hadde då namnet California Rose, og igjen i 1992 i Santa Monica i California. Det figurerte både i Falcon Crest og i A-Team.
I 2000 spora Tore Strømøy opp båten i programmet Tore på sporet. Han lette lenge før han fann ho att i Mazatlán i Mexico. Båten var i særs dårleg stand og mellom anna fullstendig ribba for inventar og utstyr, men motoren var framleis intakt. Båten var eigd av ei kvinne som dreiv ei fiskeindustribedrift. Ho hadde planar om å bygge båten om til fiskefabrikkskip, men då pengane tok slutt vart skipet lagt i opplag.
Den vidare lagnaden til skipet er ukjend.
Kjelder endre
- Hvor ble båtene av?. Historiegruppen ved Aker Stord. 2000. s. 26-27. ISBN 82-95726-0-6 Check
|isbn=value: length (hjelp).