Mann Oh! mann
Mann Oh! mann var eit skandinavisk gameshow som gjekk på TV3 frå 1994 til 1996. Formålet med programmet var å kåre «Skandinavias kjekkeste mann».
| Type | fjernsynsprogram | ||
|---|---|---|---|
| Sjanger | Gameshow | ||
| Opphavsland | Noreg, Sverige, Danmark | ||
| Sesongar | 5 | ||
| Episodar | 10 - 12 | ||
| Språk | Norsk, svensk, dansk | ||
| Periode | 29. mars 1994– 24. mars 1996 | ||
| Kanal |  TV3 | ||
I dette underhaldningsprogrammet stilte menn opp til ulike oppgåver, og blei heia fram av eit kvinneleg publikum, samtidig som vertinner dytta taparane ut i eit basseng. Dei ti mennene skulle gjennom både sjølvvalde og pålagde «øvingar». I fyrste runde skulle alle syngje, danse, eller finne på noko sjølv. Damene bestemte kva for tre menn som måtte gå i vatnet og dermed var ute av konkurransen. Så skulle dei improvisere overfor tre damer som dei møter i forskjellige situasjonar. Fire nye menn skulle så i vatnet. Deretter blei det sunge (karaoke), og til sist skulle dei som var igjen posere.
I løpet av 11 program skulle det bli kåra 11 vinnarar som møttest til ein finale på den spanske øya Ibiza. Michael frå Danmark vann i fyrste sesong, og fekk dermed ein laurbærkrans og ein Suzuki-jeep.
Vinnarar endre
Michael (sesong 1)
Eivind Walstad (sesong 2)
