Margaret Eckbo
Margaret Eckbo (fødd 20. oktober 1948 i Oslo) er ein norsk politikar for Frp. Ho var byråd for velferd og sosiale tenester i Oslo i perioden 2003 til 2006, og vart i 2006 direktør i Gravferdetaten i Oslo kommune.
| Margaret Eckbo | |
| Statsborgarskap | Noreg |
| Fødd | 20. oktober 1948 (76 år) Oslo |
| Yrke | politikar, offentleg tenestemann, bedriftsleiar, sjukepleiar |
| Politisk parti | Framstegspartiet |
| Ektefelle | Eivind Eckbo |
Eckbo er utdanna sjukepleiar og har jobba som avdelingssjukepleiar på Ullevål sjukehus. Ho var dagleg leiar for bygningsfirmaet Borgea Bygg AS frå 1989 til 1995.
Eckbo gjekk inn i byrådet i 2003. Ho stod bak ein del omstridde vedtak, blant anna vedtaket om å oppløysa det såkalte Plata-miljøet. I oktober 2005 fremja Raud Valallianse sin representant i bystyret, Erling Folkvord, mistillitsforslag mot Eckbo. I august 2005 måtte ho offentleg seia seg lei for ei utsegn der ho samanlikna ein katt og menneske med Downs syndrom. Eckbo trekte seg som byråd 17. januar 2006.[1] Hausten 2006 vart ho tilsett av Byrådet i Oslo som ny direktør i Gravferdetaten i ei åremålsstilling på seks år.
Eckbo var gift med Eivind Eckbo (1927–2017), som var formann i Anders Langes parti, forlauparen til Framstegspartiet, frå 1974 til 1975.
Kjelder
endre- Denne artikkelen bygger på «Margaret Eckbo» frå Wikipedia på bokmål, den 26. januar 2018.