Margith Munkebye

Margith Munkebye
	Margith Munkebye
Fødd	15. oktober 1911
Død	28. november 2000 (89 år)
Statsborgar av	Noreg
Parti	Arbeidarpartiet
Yrke	politikar
Alle verv	stortingsrepresentant (1958–1961); varamedlem i Europarådets parlamentariske forsamling (1966–1967); medlem av Europarådets parlamentarikerforsamling (1967–1974); vararepresentant til Stortinget (1954–1957); stortingsrepresentant (1961–1965); stortingsrepresentant (1965–1969); stortingsrepresentant (1969–1973); stortingsrepresentant (fast møtande vararepresentant, 1955–1958) ;

Margith Johanne Munkebye (fødd 15. oktober 1911 i Bodø, daud 28. november 2000) var ein norsk politikar for Arbeidarpartiet. Ho var stortingsrepresentant i fire periodar frå 1958.

Munkebyes yrkesbakgrunn var som kontordame og husmor. Ho var formann i Bodø Arbeidarungdomslag (AUF) frå 1930 til 1933 og i Sør-Salten distrikt av AUF frå 1945 til 1947. Frå 1951 til 1955 sat ho i Bodø bystyre.

Ho var Arbeidarpartiets første vararepresentant til Stortinget frå Nordland i perioden 1954–57. I denne perioden møtte ho i lange periodar, blant anna i Kolbjørn Varmanns statsrådstid. Munkebye vart fast representant frå 1958 til 1973. Dei tre første periodane var ho dels medlem av sosialkomiteen, dels av kommunalkomiteen. Den siste perioden sat ho i utanriks- og konstitusjonskomiteen. Denne perioden var ho òg medlem av Lagtinget. Ho var medlem av Europarådet og der i komiteen for flyktning- og folkesetnadsspørsmål frå 1965 til 1973.

Kjelder

Terje Nordby (red.): Storting og regjering 1945–1985. Biografier, Kunnskapsforlaget 1985.

Denne artikkelen bygger på «Margith Johanne Munkebye» frå Wikipedia på bokmål, den 19. desember 2015.