Mari Fasting
Mari Fasting (fødd 1. mars 1985) er ein norsk tidlegare orienteringsløpar frå Moss. Ho var del av det norske stafettlaget som vann VM-gull i 2013. Under VM 2015 tok ho to sølvmedaljar, den eine i klassisk løype og den andre i stafett. Tre år tidlegare fekk ho VM-bronse i stafett.
| Mari Fasting | |
|
| |
| Statsborgarskap | Noreg |
| Fødd | 1. mars 1985 (39 år) Moss kommune |
| Idrett | Skigåing, orientering |
Aktiv endre
Etter ho vann langdistansen og stafetten ved junior-VM 2005, var Fasting frå 2006 ein av dei beste norske orienteringsløparane på kvinnesida. Åra 2010-15 vart ho noregsmeister 3 gongar på klassisk-distansen, 2 gongar på langdistansen og like mange gongar på mellomdistansen, samt 4 gongar i stafett og ein gong i nattorientering.
Under 2012-VM vann Fasting, Silje Jahren og Anne Margrethe Hausken bronse på stafetten. Året etter vann Noreg VM-stafetten under meisterskapen ved Tampere. Heidi Bagstevold opna for Noreg, før Fasting og til sist Anne Margrethe Hausken sikra norsk triumf. Ved VM 2015 i Inverness sprang Fasting inn til sølvmedalje på klassisk-distansen, langt bak suverene Ida Bobach frå Danmark. Meisterskapen i Skottland avslutta Fasting med å vinne stafett-sølv i lag med nemnde Bagstevold og Hausken.
Medaljar og plasseringar i verdsmeisterskap endre
- VM 2006: Nr 6 på mellomdistansen
- VM 2010: Nr 9 på klassisk-distansen
- VM 2011: Nr 4 i stafett
- VM 2012: Bronsemedalje i stafett
- VM 2013: Gullmedalje i stafett, nr 8 på klassisk-distansen
- VM 2014: Nr 4 på klassisk-distansen
- VM 2015: Sølv på klassisk-distansen og i stafett
- VM 2016: Nr 7 på klassisk-distansen
Kjelder endre
- Denne artikkelen bygger på «Mari Fasting» frå Wikipedia på bokmål, den 6. juli 2023.