Marienlyst i Oslo
59°55′58.685″N 10°43′21.407″E / 59.93296806°N 10.72261306°E
Marienlyst er eit strok innanfor den administrative bydelen St. Hanshaugen i Oslo, i det tidlegare Vestre Aker, nordvest for Kirkeveien (ring 2). Stroket har namn etter løkka Marienlyst, og det opphavlege løkkehuset frå 1700-talet er framleis å sjå i Blindernveien 10, freda og nytta til barnehage.
Marienlyst er framfor alt eit tettbygd bustadområde, kjenneteikna mellom anna av dei høge bustadblokkene, såkalla lamellblokker, som vart reist i 1930-åra, og som med dei til saman 530 husværa gjorde Marienlyst til det tettaste utbygde bustadområdet i Noreg i si tid. Men her er elles ein idrettsplass, friluftsområdet Marienlystparken, barne- og ungdomsskulen Marienlyst skole, og hovudkvarteret til Norsk rikskringkasting.