Marion Kirkland Reid
Marion Kirkland Reid (1815-1902)[1] var ein skotsk feministisk forfattar som særleg er kjend for verket A Plea for Woman, fyrste gjeve ut i 1843. A Plea for Woman blei fyrst gjeve ut i Edinburgh i 1843 av William Tait,[2] og så i USA i 1847, 1848, 1851 og 1852 som Woman, her Education and Influence under namnet of Mrs. Hugo Reid.[3][4] Ho var medlem av Ladies National Association for the Repeal of the Contagious Diseases Acts.
| Marion Kirkland Reid | |
| Statsborgarskap | Skottland |
| Fødd | 25. mars 1815 Glasgow |
| Død |
9. mars 1902 (86 år) |
| Yrke | skribent |
Liv og virke
endreReid var dotter av James Kirkland, ein kjøpmann i Glasgow,[4] og Janet Finlay.[5]
Ho gifta seg med Hugo Reid 8. januar 1839.[4][6] Reid var ein progressiv pedagog frå Edinburgh.[6]
Marion var den einaste skotske kvinna til stades ved World Anti-Slavery Convention i London i juni 1840, der ho og andre britiske tilskodarar, mellom anna Anne Knight, var vitne til at amerikanske kvinnelege utsendingar blei nekta å ta del i konvensjonen.[6][4] Det fann stad ein stor debatt, og Kirkland møtte leiaren for den amerikanske kvinnedelegasjonen, Lucretia Mott. Denne hendinga, og ein artikkel om "Women's rights and duties" i Edinburgh Review frå 1841,[2] kan ha inspirert Kirkland si bok A Plea for Women, som ho skreiv i 1843. Anne Knight sende eit eksemplar til Lucretia Mott og anbefalte henne varmt, og boka fekk stor innverknad i Nord-Amerika.[4] A Plea for Women er truleg det fyrste verket frå Storbritannai eller USA som la vekt på å oppnå både sivile og politiske rettar for kvinner. Boka var særleg viktig dei fyrste åra av kampanjen for røysterett for kvinner i USA.[6]
Hugo hadde undervisingspostar i Liverpool og Nottingham, før han blei rekstor ved Dalhousie College i Halifax i Nova Scotia, ei stilling han hadde frå 1855 til 1860. Marion drog truleg med han til Canada.[6] Etter at familien vende tilbake til Storbritannia budde dei i Marylebone i London, som var adressa Marion oppgav då ho skreiv under på eit opprop om røysterett for kvinner gjeve til parlamentet i 1866.[5] Etter at Hugo døydde i 1872, budde ho hjå den einaste dottera si, Jessie, i Shepherd's Bush.[5]
Kjelder
endre- ↑ Marion Reid at the Orlando Project, Cambridge University Press
- ↑ 2,0 2,1 Crawford, Robert (2007). Scotland's books : the Penguin history of Scottish literature. London: Penguin Books. ISBN 9780140299403. OCLC 123797020.
- ↑ Mrs., Reid, Hugo (1988). A plea for woman (1st utg.). Edinburgh: Polygon. ISBN 0948275561. OCLC 25787999.
- ↑ 4,0 4,1 4,2 4,3 4,4 «Marion Kirkland Reid». Sunshine for Women. February 2003. Arkivert frå originalen 24. februar 2012. Henta 17. oktober 2009.
- ↑ 5,0 5,1 5,2 Oxford dictionary of national biography. British Academy., Oxford University Press. (Online utg.). Oxford. ISBN 9780198614128. OCLC 56568095.
- ↑ 6,0 6,1 6,2 6,3 6,4 The biographical dictionary of Scottish women : from the earliest times to 2004. Ewan, Elizabeth., Innes, Sue., Reynolds, Sian. Edinburgh: Edinburgh University Press. 2006. s. 301. ISBN 9780748626601. OCLC 367680960.
- Denne artikkelen bygger på «Marion Kirkland Reid» frå Wikipedia på engelsk, den 10. mai 2023.