Mariotte-flaske
Mariotte-flaske er ei flaske som er nesten fylt med væske og der det i halsen er sett inn lufttett eit ope røyr som går eit stykke ned i væska. Ved botnen av flaska er ein utløpsopning. Utløpssnøggleiken er bestemt av høgda frå botnen til røyropninga og blir konstant sjølv om nivået i flaska søkk. Når væska renn ut, strøymer luftbobler inn i flaska gjennom det opne røyret. Maroitte-flaska vert nytta teknisk der det gjeld å halde utløpssnøggleiken av ei væske konstant.
Mariotte-flaska har namn etter oppfinnaren, den franske fysikaren Edmé Mariotte (om lag 1624–1684), som hadde ein teikning av ei slik flaske i verka sine.[1]
Kjelder endre
- ↑ Œuvres de Mariotte (2 volumes, 1717). Réédition : J. Peyroux, Bordeaux, 2001. Documentation service University of Strassbourg Arkivert 2012-05-17 ved Wayback Machine. and Google books.
- «Mariottes flaske», Store norske leksikon, 27. februar 2013