Martin Hannestad
norsk prest og stortingsrepresentant
Martin Hannestad (9. juni 1810–8. august 1891) var ein norsk prest og stortingsmann fødd på Voss.
| Martin Hannestad | |||
| Fødd | 9. juni 1810 Voss herad | ||
|---|---|---|---|
| Død | 8. august 1891 (81 år) | ||
| Statsborgar av | Noreg | ||
| Yrke | prest, politikar | ||
| Alle verv |
| ||
Hannestad var son til ein prest. Han var student i 1827 og cand. theol. i 1836. Tida 1829-33 livnærte han seg som huslærar. Frå 1841 var han residerande kapellan i Stod. År 1846 sokneprest i Hvaler, dernest i Idd frå 1856 til 1877. Hannestad var medlem av forlikskommisjonen i både Stod (4 år), Hvaler (10 år) og Idd (20 år). Han var ordførar i Stod i tre år og i alle dei ti åra han var på Hvaler.
Hannestad var 1. representant frå Smaalenenes amt på Stortinget 1854, sekretær i gasje- og pensjonskomiteen. Tre år seinare var han 2. varamann.
Han døydde i Kristiania i 1891.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Martin Hannestad NSD Norsk senter for forskningsdatas politikararkiv