Masahiko Inadomi
Masahiko Inadomi (13. oktober 1921–29. mai 1982) var ein japansk forfattar, omsetjar og universitetslektor i japansk ved Universitetet i Oslo.
| Masahiko Inadomi | |||
| Fødd | 13. oktober 1934 Kumamoto prefektur | ||
|---|---|---|---|
| Død | 29. mai 1982 Oslo | ||
| Nasjonalitet | Noreg, Japan | ||
| Yrke | skribent, filolog, omsetjar, universitetslærar | ||
| Alma mater | Universitetet i Oslo | ||
| Ektefelle | Inger Inadomi | ||
Han var den første japanaren som tok cand. philol.-graden med norsk som hovudfag ved Universitetet i Oslo, der han skreiv hovudoppgåva «Den plettfrie. En analyse av Sigurd Hoels Møte ved milepelen», som seinare òg vart utgjeve i bokform. Inadomi kom til Noreg i 1954.[1] Inadomi fortalde seinare i eit intervju med Aftenposten at det var Bjørnsons Bondefortellinger som lokka han til Noreg.[2] Inadomi vart utnemnd til universitetslektor i 1971.[1]
«Chunichi-Inadomi-fondet for norsk-japansk kulturutveksling» er oppkalla etter han. Fondet vart oppretta etter at den japanske avisa Chunichi Shimbun, som arrangerte ei Edvard Munch-utstilling i Japan i 1970-71, hadde donert overskotet av utstillinga på ¥10 000 000 til Universitetet i Oslo. Leiinga for Chunichi Shimbun ynskte å heidre den store innsatsen Masahiko Inadomi hadde lagt ned i samband med dei to Munch-utstillingane, og for norsk-japansk kultursamband generelt.[3]
Inadomi var ein av drivkreftene bak «First Nordic Symposium in Japanology» som vart halde i 1981.[4]
Omsetjingar
endre- Kenzaburo Oe, Min egen sak, 1968 (til norsk)
- Yasunari Kawabata, Kyoto eller De unge elskende i den gamle keiserby, omsett frå japansk saman med Inger Inadomi, Dreyer, 1969
- Nic. Stang, Edvard Munch, 1974 (til japansk)
- Ei haiku-innføring. Haiku. 200 norske versjonar. Saman med Paal-Helge Haugen, Oslo: De norske bokklubbene. (1992) (1965)
Kjelder
endre- Denne artikkelen bygger på «Masahiko Inadomi» frå Wikipedia på bokmål, den 20. mai 2019.
Fotnotar
endre- ↑ 1,0 1,1 Aftenposten - Nekrologer (9.6.1982, s.11)
- ↑ Aftenposten - Arne lokket meg hit sier Masahiko Inadomi (8.3.1957)
- ↑ UNIFOR Chunichi-Inadomi-fondet for norsk-japansk kulturutveksling Arkivert 2007-11-10 ved Wayback Machine.
- ↑ Inadomi, Masahiko (1. januar 1981). Proceedings from the First Nordic Symposium in Japanology (på engelsk). East Asian Institute, University of Oslo. ISBN 9788299084406.