Maximilian III Josef av Bayern
Maximilian III Josef (28. mars 1727–30. desember 1777) var kurfyrste og hertug av Bayern frå 1745 til 1777.
| Maximilian III Josef av Bayern | |||
 | |||
| Kurfyrste av Bayern | |||
| Regjeringstid | 1745-1777 | ||
|---|---|---|---|
| Fødd | 28. mars 1727 | ||
| Fødestad | München | ||
| Død | 30. desember 1777 | ||
| Dødsstad | München | ||
| Gravstad | Theatinerkirche | ||
| Føregangar | Karl Albert | ||
| Etterfølgjar | Karl Theodor | ||
| Gift med | Maria Anna av Polen og Sachsen | ||
| Dynasti | Huset Wittelsbach | ||
| Far | Karl VII av Det tysk-romerske riket | ||
| Mor | Maria Amalia av Østerrike | ||
Biografi endre
Ha var fødd i München og var den eldste sonen til keisar Karl VII og kona hans Marie Amilie av Austerrike. Besteforeldra på morssida var keisar Josef I og Wilhelmina Amalia av Brunswick-Lüneburg.
Då faren døydde i 1745 arva han eit land som var i ferd med å verte invadert av Austerrike under den austerrikske arvefølgjekrigen og måtte gje opp kravet på keisartrona og gjere fred med Maria Teresia av Austerrike med Füssen-traktaten, der han avtalte å støtte ektemannen hennar, storhertug Frans Stefan av Toscana i det komande keisarvalet.
Maximilian Josef var ein progressiv og opplyst herskar som gjorde mykje for å utvikle landet sitt. I 1747 vart porselensfabrikken i Nymphenburg grunnlagd. Den første akademiske institusjonen i München, Det bayerske vitskapsakademiet, vart grunnlagd i 1759 av Maximillian III. Under den alvorlege dyrtida i 1770 selde Maximilian kronjuvelane for å betale korn. Dette året gav han òg ut ediktet mot den ekstravagante pompøsiteten som kyrkja synte, og dette endra den bayerske rokokko-perioden. Han forbaud òg pasjonsspela i Oberammergau .
Desember 1777 døydde Maximilian Josef av koppar utan arving. Som den siste av den yngre greina av huset Wittelsbach, som kom frå Ludvig IV av Det tysk-romerske riket, og som hadde styrt Bayern sidan tidleg på 1300-talet, førte dødsfallet hans til den korte bayerske arvefølgjekrigen. Gemalinna til Maximilian, Maria Anna Sofia av Sachsen, forhandla med Preussen for å sikre Bayern sjølvstende mot Austerrike. Til slutt vart Maximilian etterfølgd av ein fjern slektning, kurfyrste Karl IV frå den eldre greina av dynastiet.
Maximilian III Josef er gravlagd i krypta i Theatinerkirche i München.
Kjelder endre
- Denne artikkelen bygger på «Maximilian III Joseph, Elector of Bavaria» frå Wikipedia på engelsk, den 28. november 2008.