Opna hovudmenyen

Mehmet Scholl

tysk fotballmanager og fotballspelar

Mehmet Tobias Scholl, fødd Yüksel, (fødd 16. oktober 1970) er ein tysk tidlegare fotballspelar og seinare fotballtrenar frå Karlsruhe. Han vart europameister med Tyskland i 1996. Med Bayern München vann Scholl, som var midtbanespelar, både UEFA-cupen 1996, Meisterligaen 2001, åtte ligameisterskap og fem nasjonale cuppokalar.

Mehmet Scholl
16-04-11-Pressekonferenz ARD und ZDF Fußball-EM 2016 RalfR-WAT 7057.jpg
Mehmet Scholl i 2011
Personleg informasjon
Fullt namn Mehmet Tobias Scholl
Fødselsdato 16. oktober 1970 (48 år)
Fødestad Karlsruhe i Tyskland
Høgd 177 cm (5 ft 10 in)
Posisjon Midtbane
Seniorkarriere*
År Lag Kampar (Mål)
1989-1992 Karlsruher 58 (11)
1992-2007 Bayern München 338 (87)
Totalt 392 (98)
Landslag
1995-2002 Tyskland 36 (7)
* Seniorklubbkampar og mål berre telt for nasjonal liga

Innhaldsliste

KlubbspelEndra

Scholl spelte på Karlsruhe SC fram til 1992. Sidan var han Bayern München-spelar til han la opp i 2007. Frå 1994 til 2006 var han som midtbanespelar med å vinne bundesligaen åtte gongar. I mai 1996 skåra han i begge UEFA-cupfinalane mot Girondins Bordeaux, eit oppgjer som Bayern vann med 2-0 borte og 3-1 heime. Tre år seinare var han innbytar då Bayern tapte meisterligafinalen 1999 med 1-2 mot Manchester United. Høgdepunktet som Bayern-spelar kom 23. mai 2001 då laget vann Meisterligaen 2001 gjennom ei straffesparktevling.

LandslagsspelEndra

I tida 1995-2002 deltok Scholl i 36 landskampar og skåra 8 mål. Han var med i Fotball-EM 1996, ei turnering der han i finalen vart bytta ut mot Oliver Bierhoff, midtspissen som med sine to mål snudde kampen til tysk siger 2-1. Ein skade gjorde Scholl uaktuell til verdsmeisterskapen 1998 i Frankrike. I europameisterskapen 2000 skåra han Tysklands einaste mål i turneringa, det tyske laget rauk elles rett ut etter å ha sanka eitt einaste poeng i gruppespelet.

MerittarEndra

  • Europameister: 1996 for Tyskland
  • Vinnar av meisterligaen: 2001 med Bayern München
  • Vinnar av UEFA-cupen: 1996 med Bayern München
  • Tysk seriemeister: 1994, 1997, 1999, 2000, 2001, 2003, 2005 og 2006 med Bayern München
  • Tysk cupmeister: 1998, 2000, 2003, 2005 og 2006 med Bayern München

KjelderEndra