Oliver Bierhoff
Oliver Bierhoff (fødd 1. mai 1968) er ein tysk tidlegare fotballspelar frå Karlsruhe. Midtspissen, som hadde sin styrke som hovudspelar, vart europameister med Tyskland i 1999 og seriemeister i Italia i 1999 med AC Milan.
.jpg) | |||
| Personleg informasjon | |||
|---|---|---|---|
| Fullt namn | Oliver Bierhoff | ||
| Fødd | 1. mai 1968 (56 år) | ||
| Fødestad | Karlsruhe i Vest-Tyskland | ||
| Høgd | 191 cm | ||
| Posisjon | Angrepsspelar | ||
| Seniorkarriere* | |||
| År | Lag | Kampar | (Mål) |
| 1986-1988 | Bayer Uerdingen | 31 | (4) |
| 1988-1989 | Hamburger SV | 34 | (6) |
| 1989-1990 | Borussia Mönchengladbach | 8 | (0) |
| 1990-1991 | Austria Salzburg | 32 | (23) |
| 1991-1995 | Ascoli | 117 | (48) |
| 1995-1998 | Udinese | 86 | (57) |
| 1998-2001 | Milan | 91 | (38) |
| 2001-2002 | Monaco | 18 | (5) |
| 2002-2003 | Chievo | 26 | (7) |
| Totalt | 443 | (188) | |
| Landslag | |||
| 1996-2002 | Tyskland | 70 | (36) |
| * Seniorklubbkampar og mål berre telt for nasjonal liga | |||
Karriere
endreKlubbspel
endreBierhoff fekk sin bundesligadebut med Bayer Uerdingen i 1986, gjekk så vidare til Hamburger SV i 1988 og eit kort opphald i Borussia Mönchengladbach i 1990. Sesongen 1990/91 skåra han mange mål for austerrikske Austria Salzburg. Dei neste ti åra var han aktiv i italiensk seriefotball, fyrst for Ascoli i tida 1991-95. Han fekk sitt gjennombrot med Udinese i perioden 1995-98, og vart i 1998 toppskårar i Serie A med 27 nettkjenningar. Frå 1998 til 2001 spelte han på AC Milan, der han vart seriemeister i sin fyrste sesong med laget. Han avslutta profftida med ein sesong i AS Monaco og ein siste sesong i italienske Chievo.
Landslagsspel
endreBierhoff debuterte på det tyske landslaget i februar 1996. I sin niande landskap, EM-finalen 1996 mot Tsjekkia i London, kom han inn frå benken og utlikna til 1-1, for så å verte kampvinnar då han skåra på såkalla «golden goal» i ekstraomgangen. Sidan deltok han i fotball-VM 1998 og EM i fotball 2000, menn fekk lite speletid i sistnemnde turnering. Meir nytta vart han i VM i fotball 2002, der han var innbytar i finalen mot Brasil i Yokohama, utan å kunne hindre brasiliansk triumf i det som vart hans siste opptreden i landslagstrøya. Han skåra 37 mål på sine 70 landskampar.
Merittar
endre- Europameister: 1996 med Tyskland
- VM-sølv: 2002 med Tyskland
- Vinnar av Serie A: 1999 med AC Milan
Kjelder
endre- Denne artikkelen bygger på «Oliver Bierhoff» frå Wikipedia på tysk, den 26. april 2017.