Menuett i G-dur er eit klaverstykke som finst i Anna Magdalena Bachs notebok frå 1725. Det vart tidlegare tilskrive Johann Sebastian Bach (BWV Anh. 114), men vert no vanlegvis tilskrive Christian Petzold.[1][2][3]

Noteboka det er snakk om høyrte til den andre kona til Johann Sebastian Bach, Anna Magdalena, og er ei samling av musikk av forskjellige komponistar frå seint på 1600-talet og tidleg på 1700-talet, mellom andre François Couperin, Georg Böhm, Johann Sebastian Bach sjølv og kanskje noko av sønene hans (som Carl Philipp Emanuel Bach). Dei fleste av kommentarane i noteboka vart gjort av Anna Magdalena sjølv. Berre få komponistar er identifiserte i boka. Menuett i G-dur er eit av dei mange anonyme verka. I 1970-åra vart stykket identifisert frå ein cembalosuite av organisten Christian Petzold frå Dresden.[4]

KjelderEndra

  1. Wolff, Christoph. «Bach. III. 7. Johann Sebastian Bach. Works», Grove Music Online, red. L. Macy (henta 21 December 2006), grovemusic.com (krev medlemskap)
  2. Williams, Peter F.. 2007. J.S. Bach: A Life in Music, p. 158. Cambridge University Press.
  3. Schulenberg, David. 2006. The Keyboard Music of J.S. Bach, s. 522 and elsewhere.
  4. Bach-Jahrbuch 1978, s. 54.

BakgrunnsstoffEndra