Merthyr Tydfil
Merthyr Tydfil (walisisk Merthyr Tudful) er ein by og eit grevskapsdistrikt i det sørlege Wales. Byen ligg i det bevarte grevskapet Glamorgan. Han har kring 55 000 innbyggjarar.
| Merthyr Tydfil | |||
| by | |||
 | |||
| Land |  Storbritannia
| ||
|---|---|---|---|
| Konstituerande land |  Wales
| ||
| Folketal | 58 839 (2021)[1] | ||
 Merthyr Tudful 51°44′50″N 3°22′41″W / 51.747263°N 3.3779499°W | |||
| Wikimedia Commons: Merthyr Tydfil | |||
Før den industrielle revolusjon var Mertyr Tydfil ein liten landsby. Men han låg nær førekomstar av jernmalm, kol, kalkstein og vatn, noko som gjorde staden ideell for jernverk. Dette førte til at han i 1851 var den største byen i Wales, med 46 000 innbyggjarar. Sidan 1920-åra har byen jamt over hatt nedgangstider.
Dagens grenser vart vedteke i 1974. Det tidlegare grevskapsdistriktet vart noko utvida, slik at det òg dekket Vaynor i Glamorgan og Bedlinog i Breconshire og det vart omdefinert til eit distrikt i Mid Glamorgan. 1. april 1996 vart det igjen eit sjølvstyrt grevskapsdistrikt.
Fotballklubben i byen heiter Merthyr Tydfil F.C., med kallenamnet «The Martyrs».
Merthyr Tydfil var vertskap for den nasjonale Eisteddfod i 1881 og 1901.
Kjelder
endre- Denne artikkelen bygger på «Merthyr Tydfil» frå Wikipedia på bokmål, den 15. desember 2009.
