Mohenjo-daro

Mohenjo-daro (sindhi for 'Daudinge-haugen') er ein arkeologisk funnstad nordvest i Sind i Pakistan. Mohenjo-daro var ein av dei største busetnadane i Induskulturen. Han blei teken med på UNESCO si verdsarvliste i 1980.

Mohenjo-daro
Land	Pakistan
Del av	Induskulturen
Mohenjo-daro 27°19′45″ N 68°8′20″ E
Wikimedia Commons: Mohenjo-daro

Mohenjo-daro, Harappa, Lothal og den tidlegare busetnaden Mehrgarh på kart med dagens grenser.

Mohenjo-daro ligg vest for Induselva. Byen blei bygd rundt 2500 f.Kr. Han er blant dei eldste større byane ein kjenner til, og var samtidig med sivilisasjonane i det gamle Egypt, Mesopotamia, minoisk Kreta og Norte Chico. Han blei forlaten rundt 1900 f.Kr., då Induskulturen plutseleg gjekk tilbake.

Staden blei gjenoppdaga på 1920-talet. Han er noko betre bevart enn Harappa frå same kultur, og har derfor gjeve meir informasjon om sivilisasjonen som bygde han. Kjende funn herfrå er statuane av ei ung jente («Dancing Girl» eller 'dansejenta') og ein mann («Priest King» eller 'prestekongen').

Galleri

• 

  Jentestatue av bronse frå Mohenjo-daro, kjend som «dansejenta».

• 

  Mannsfigur frå Mohenjo-daro, kjend som «prestekongen».

• 

  Ruinane av Mohenjo-daro.

Kjelder

• Denne artikkelen bygger på «Mohenjo-daro» frå Wikipedia på svensk, og «Mohenjo-daro» frå Wikipedia på engelsk den 17. september 2017.

Bakgrunnsstoff

Commons har multimedium som gjeld: Mohenjo-daro

• Archaeological Ruins at Moenjodaro, UNESCO World Heritage Centre
• UNESCO - International Campaign for the Safeguarding of Moenjodaro - Pakistan
  Denne historieartikkelen som har med Pakistan og India å gjere, er ei spire. Du kan hjelpe Nynorsk Wikipedia gjennom å utvide han.