Moldøyna
Moldøyna (uttale målløynæ eller mådløynæ) er ei øy og ein gard nordvest i Fedje kommune. Øya vart knytt til resten av Fedje ved ei vegfylling i 1960-1961. Øya ligg rett sør for Skotholmen og ligg mellom Kyrkjevågen i vest og Fedjefjorden i aust. I sør ligg Nord-Tangen.
| Moldøyna | |||
| stad | |||
| Land |  Noreg
| ||
|---|---|---|---|
| Fylke | Vestland | ||
| Kommune | Fedje | ||
| Postnummer | 5947 FEDJE | ||
| Gardnummer | 170 | ||
 Moldøyna 60°47′10″N 4°42′56″E / 60.78611°N 4.71556°E | |||
Namnet kjem av mold eller jord.[1]
Moldøyna vart første gong nemnd i skriftlege kjelder i 1603, då det vart skriven Moldøen. Dette var lenge den vanlege skrivemåten og vert i dag framleis nytta som slektsnamn. Moldøyna vart delt i to bruk i 1608 og i 1628 i tre bruk. Frå rundt 1700 har det vore fire bruk på øya. I nyare tid har det vorte skild ut fleire tomtar. I 1976 bygde P/R M/S «Feiebas» eit bygg med kai her som landbase for reiarlaget og fiskebåten med same namn.
Kjelder endre
- Arvid Skogseth (1997). Fedje og folket: Gards- og ættesoge for Fedje. Fedje kommune.
Fotnotar endre
- ↑ Oluf Rygh (1910). Norske Gaardnavne 11. s. 427.