Monika

Denne artikkelen handlar om kvinnenamnet. For songen, sjå Mónika.

Monika og Monica er kvinnenamn av latinsk eller fønikisk opphav. Tydinga av namnet er ikkje fastsett, men det kan koma av gresk monos, 'åleine', eller latinsk monere, 'gje råd'.

Glasmåleri av heilage Monica og sonen Augustin i Santa Monica-katedralen i Iquitos i Peru.

Brasiliansk gut med ei amme, slavekvinna Mônica, i 1860.

Monika og kortforma Mona har namnedag den 4. mai i Noreg, Sverige og på Færøyane. Heilage Monika, mor til kyrkjefaren heilage Augustin, har festdag den 27. august, og har gjort namnet utbreidd i den kristne verda.

Monique er ei fransk form av namnet.

Bruk

Namna var mykje brukt i Noreg siste halvdelen av 1900-talet, med ein topp på 1970-talet. I 2009 var det 11 742 norske kvinner som heitte Monica og 2 913 som heitte Monika.

Namneberarar

Tennisspelaren Monica Seles.

• Monica Dickens (1915-1992, engelsk forfatar
• Monica Kristensen Solås (f. 1950), norsk glasiolog, meteorolog og polfarar
• Monica Mæland (f. 1968), norsk politikar
• Monica Bellucci (f. 1964), italiensk skodespelar
• Monica Ali (f. 1967), britisk forfattar av bangladeshisk opphav
• Monica Seles (f. 1973), USA-amerikansk tennisspelar av jugoslavisk og ungarsk opphav
• Mónica Naranjo (f. 1974), spansk musikar
• Mónica Cruz (f. 1977), spansk artist og modell
• Monika Nordli (f. 1977), norsk musikar

Annan bruk

• 833 Monica er ein hovudbelteasteroide
• Santa Monica er ein by i California

Kjelder

• Søk etter norsk namnestatistikk for Monika hjå Statistisk Sentralbyrå
• «Monica – kvinnenavn» i Store norske leksikon, snl.no.
• Denne artikkelen bygger på «Monika» frå Wikipedia på bokmål, den 4. mai 2009.