Motvind

Motvind Norge er ein norsk organisasjon som kjempar mot vindkraftutbygging i Noreg. Organisasjonen «ønskjer å hjelpe huseigarar og grunneigarar som føler seg overkøyrde av vindkraftutbyggjarane, om så med rettslege steg.»

Organisasjonen vart skipa med eit landsmøte på Frøya 16. november 2019, som ei samanslutning av lokale aksjonsgrupper. Ved årsskiftet 2019–2020 hadde organisasjonen, i følgje seg sjølv, 8000 registrerte medlemmer.

Rune Haaland vart tilsett som første generalsekretær i organisasjonen. Organisasjonen omtalar vindkraftprosjekt «som eit overgrep på natur, miljø og lokalsamfunn, og brot på rettsoppfatninga til folk.»

Under koronapandemien i 2020 markerte Motvind Norge seg ved Buheii i Kvinesdal ved å sperre fylkesveg 465 med vaktpost og kjetting. Politiet greip inn og ein person vart bøtelagd.

I mai 2020 vart utbygginga av eit vindkraftverk i Noreg for første gong prøvd i retten. Saka var mellom Motvind Norge og Vardafjellet vindkraft, og Motvind Norge ønskte å stoppe utbygginga gjennom ei mellombels ordning.

Kjelder

• Denne artikkelen bygger på «Motvind Norge» frå Wikipedia på bokmål, den 12. mai 2020.
  • Wikipedia på bokmål oppgav desse kjeldene:

NTB (24. oktober 2019). «Organisasjonen Motvind Norge samler motstandere av vindkraft». Finansavisen. Henta 2. april 2020. 

«Historikk». Motvind Norge. Henta 2. april 2020. 

«Invitasjon til MOTVIND NORGE» (PDF). Motvind Norge. Henta 2. april 2020. 

NTB (21. november 2019). «Bellona-grunnlegger skal lede kamp mot vindmøller». Teknisk Ukeblad. Henta 2. april 2020. 

«Aksjon mot ulovlig arbeid på Buheii». Motvind Norge. 31. mars 2020. Henta 2. april 2020. 

Jordheim, Hans (2. april 2020). «Vindkraft-aksjonister blokkerte veien for arbeidere». Fædrelandsvennen. Henta 2. april 2020. 

Morsund, Gunnar (10. mai 2020). «Første rettssak: Kan forandre vindkraftutbyggingen i Norge». NRK Rogaland. Henta 12. mai 2020. 

Bakgrunnsstoff

• Offisiell nettstad
• Motvind Norge på Facebook