Admiralty Mountains
Admiralty Mountains (òg skrive Admiralitetet Range) er ei stor gruppe høge fjell og fjellkjeder og ryggar nordaust i Victoria Land i Antarktis. Fjellgruppa grensar til Rosshavet, Sørishavet og Dennistoun-, Ebbe- og Tuckerbreen.[1]
| Admiralty Mountains | |||
| fjellkjede | |||
 Mount Herschel (3335 moh.) i Admiralty Mountains sett frå Cape Hallett
| |||
| Land |  Antarktis
| ||
|---|---|---|---|
| Stad | Dronning Maud Land | ||
| - koordinatar | 71°45′S 168°30′E / 71.750°S 168.500°E | ||
| Høgaste punkt | Mount Minto | ||
| • høgd | 4 165 moh. | ||
| Administrert under | Antarktistraktaten | ||
 Admiralty Mountains 71°45′S 168°30′E / 71.75°S 168.5°E | |||
  Admiralty Mountains (Antarktis)
| |||
| Wikimedia Commons: Admiralty Mountains | |||
Ho vart oppdaga i januar 1841 av kaptein James Ross som namngav dei etter Admiralitetet, som han tente under.[1]
Admiralty Mountains er delt inn i Dunedin Range, Homerun Range og Lyttelton Range.
Fjelltoppar
endreFjellkjeda inneheld følgjande fjell:
| Fjell | Høgd (moh) |
|---|---|
| Mount Minto | 4165 |
| Mount Adam | 4010 |
| Mount Ajax | 3770 |
| Mount Sabine | 3720 |
| Mount Royalist | 3640 |
| Mount Bevin | 3490 |
| Mount Black Prince | 3405 |
| Mount Peacock | 3210 |
| Mount Gilruth | 3160 |
| Mount Achilles | 2880 |
| Mount Parker | 1260 |
Mount Achilles
endreMount Achilles er eit markant pyramideforma fjell mellom Fitchbreen og Man-o-War-breen. Det vart namngjeve av New Zealand Geological Survey Antarctic Expedition (NZGSAE), 1957–58, etter den tidlegare newzealandske kryssaren HMNZS «Achilles».[2]
Mount Adam
endreMount Adam ligg 4 km vest-nordvest for Mount Minto. Det vart oppdaga i januar 1841 av kaptein Ross som namngav det etter viseadmiral Sir Charles Adam, ein lord i Admiralitetet.[3]
Mount Ajax
endreMount Ajax stig 1,5 km vest-sørvest for Mount Royalist. Det vart namngjeve av newzealandske GSAE, 1957–58, etter HMNZS «Ajax». Fjellet er eit av fleire i området kalla opp etter newzealandske skip.[4]
Mount Bevin
endreMount Bevin er eit markant, spisst fjell heilt på vestsida av Murraybreen. Fjellet ligg 3 km vest-nordvest for Mount Sabine. Det vart namngjeve av Advisory Committee on Antarctic Names (US-ACAN) (2004) etter Tony Bevin, som var sjefslandmålar og styreleiar i New Zealand Geographic Board, 1996–2004, med ansvar for den newzealandske landmålinga og namngjevinga i Antarktis.[5]
Mount Black Prince
endreMount Black Prince består av mørkfarga bergartar. Det ligg 6 km vest for Mount Ajax. Det vart namngjeve av New Zealand Geological Survey Antarctic Expedition (NZ GSAE), 1957–58, etter utsjånaden og den newzealandske kryssaren HMNZS «Black Prince».[6]
Mount Gilruth
endreMount Gilruth er eit nesten isdekt fjell (3160 moh) som ligg 8 km aust-nordaust for Mount Adam. Det vart kartlagd av US Geological Survey (USGS) frå landmålingar og flyfoto tekne av U.S. Navy, 1960-63. Det vart namngjeve av Advisory Committee on Antarctic Names (US-ACAN) etter Robert R. Gilruth frå National Aeronautics and Space Administration, som vitja McMurdo-basen, 1966-67.[7]
Mount Minto
endreMount Minto er eit prominent, nesten isfritt fjell som ligg 4 km aust for Mount Adam i den sentrale delen av fjellkjeda. Det vart oppdaga i januar 1841 av kaptein James Ross, som namngav det etter jarlen av Minto, som då var marineminister.[8] Fjellet vart først klatra i 1988 av ein australsk ekspedisjon leia av Greg Mortimer og med mellom anna Lincoln Hall.[9]
Mount Parker
endreMount Parker er eit høgt pyramideforma fjell langs vestsida av Nashbreen. Området vart kartlagd av USGS frå landmålingar og flyfoto tekne av U.S. Navy, 1960-63. Namnet Mount Parker vart gjeve til eit fjell i nærleiken av kaptein James Ross i 1840 til ære for viseadmiral sir Sir William Parker, ein lord i Admiralitetet, 1834-41, For å bevare det historiske namnet vart namnet gjeve til dette fjellet av US-ACAN.[10]
Mount Peacock
endreMount Peacock er eit høgt, pyramideforma fjell like ved toppen av Kellybreen, 2,6 km sørvest for Mount Herschel. Det vart oppdaga i januar 1841 av kaptein Ross som namngav det etter the dr. George Peacock, domprost i Ely.[11]
Mount Royalist
endreMount Royalist er eit markant fjell som står 3 km vest for Mount Adam. Det vart namngjeve av New Zealand GSAE, 1957–58, etter den imponerande utsjånaden og etter den newzealandske kryssaren HMNZS «Royalist». Fleire nærliggande fjelltoppar er kalla opp etter newzealandske skip som Mount Ajax og Mount Black Prince.[12]
Mount Sabine
endreMount Sabine er eit markant, relativt snøfritt fjell mellom enden av Murraybreen og Burnettebreen. Det vart oppdaga 11. januar 1841 av kaptein James Ross, som namngav fjellet etter oberstløytnant Edward Sabine i Royal Artillery, sekretær i Royal Society og ein av dei mest aktive støttespelarane til ekspedisjonen.[13]
Kjelder
endre- Denne artikkelen bygger på «Admiralty Mountains» frå Wikipedia på engelsk, den 26. februar 2013.
- Wikipedia på engelsk oppgav desse kjeldene:
- ↑ 1,0 1,1 «Admiralty Mountains». Geographic Names Information System. United States Geological Survey, United States Department of the Interior. Henta 10. januar 2013.
- ↑ «Mount Achilles». Geographic Names Information System. United States Geological Survey, United States Department of the Interior. Henta 11. januar 2013.
- ↑ «Mount Adam». Geographic Names Information System. United States Geological Survey, United States Department of the Interior. Henta 27. februar 2013.
- ↑ «Mount Ajax». Geographic Names Information System. United States Geological Survey, United States Department of the Interior. Henta 27. februar 2013.
- ↑ «Mount Bevin». Geographic Names Information System. United States Geological Survey, United States Department of the Interior. Henta 14. januar 2013.
- ↑ «Mount Black Prince». Geographic Names Information System. United States Geological Survey, United States Department of the Interior. Henta 27. februar 2013.
- ↑ «Mount Gilruth». Geographic Names Information System. United States Geological Survey, United States Department of the Interior. Henta 25. februar 2013.
- ↑ «Mount Minto». Geographic Names Information System. United States Geological Survey, United States Department of the Interior. Henta 27. februar 2013.
- ↑ «Half Sledge - Greg Mortimer, Mt Minto, 1988». Museum Victoria. Arkivert frå originalen 28. november 2015. Henta 27. februar 2013.
- ↑ «Mount Parker». Geographic Names Information System. United States Geological Survey, United States Department of the Interior. Henta 10. januar 2013.
- ↑ «Mount Peacock». Geographic Names Information System. United States Geological Survey, United States Department of the Interior. Henta 14. januar 2013.
- ↑ «Mount Royalist». Geographic Names Information System. United States Geological Survey, United States Department of the Interior. Henta 27. februar 2013.
- ↑ «Mount Sabine». Geographic Names Information System. United States Geological Survey, United States Department of the Interior. Henta 14. januar 2013.