Muslim League
All-India Muslim League, kjend som Muslim League, var eit politisk parti skipa i Britisk India ved byrjinga av 1900-talet. Det dreiv ein kampanje for muslimar i kolonien, parallelt med det hindudominerte Kongresspartiet sin kamp for sjølvstyre og etter kvart sjølvstende. Kampen enda med delinga av Britisk India og danninga av Pakistan i 1947.[1]
| Muslim League | |
 | |
| Oppretta og oppløyst | 30. desember 1906–15. august 1947 |
|---|---|
| Partileiar | Muhammad Ali Jinnah A. K. Fazlul Huq Aga Khan III Huseyn Shaheed Suhrawardy Sir Feroz Khan Noon Khwaja Nazimuddin Liaquat Ali Khan Khaliq-uz-Zaman Mohammad Ali Bogra |
Etter danninga av dei to sjølvstendige landa fortsette partiet som eit mindre politisk parti i India, Indian Union Muslim League, som har vore del av fleire regjeringar. Partiet har gått gjennom fleire delingar. I Pakistan heldt det fram som Pakistan Muslim League eller berre Muslim League. I Bangladesh blei partiet gjenoppliva i 1976, men utan større støtte eller makt.
KjelderEndra
- ↑ «Establishment of All India Muslim League». Story of Pakistan. juni 2003. s. 1. Henta 14. februar 2014.
- Denne artikkelen bygger på «All-India Muslim League» frå Wikipedia på engelsk, og «All India Muslim League» frå Wikipedia på svensk den 28. mars 2019.