Myntete
Myntete er ein urtete laga ved å la mynteblad trekka i varmt vatn,[1] eller ein te som er smaksett med mynte.
I Korea er tradisjonell myntete kjend som bakha-cha (박하차), og blir laga med blad frå den lokale ville mynteplanten, Mentha canadensis.[2]
I India blir tradisjonell myntete kalla pudina chai (पुदीना चाय), og blir laga ved å la blad av grønmynte eller peparmynte i varm chai.[3][4]
I Nord-Afrika er myntete ein utbreidd drikk laga av grøn te i pulverform, grønmynte og sukker. Ein kan også nytta andre urte, blomar og appelsinblomevatn. På norsk kan ein kalla denne teen marokkansk myntete. I Mauritania, Marokko og Algerie kallar ein teen tay, atay eller lātāy, og i Tunisia et-tey.[5] Desse namna skil seg frå det typiske arabiske ordet for te, shai (شاي). Ordet ʾit-tāī kjem truleg frå nederlandsk thee.[6]
Det høge innhaldet av eteriske oljer i blada (1–2,5 %), særleg menthol, gjer myntete populær som ein helsebringande drikk. Han har ein avslappande effekt på musklar og fordøyingssystemet, og er lenge blitt brukt mot gastroenterologiske lidingar.[7]
Galleri
endre-
Grønmyntete -
Peparmyntete -
Peparmyntete (tepose) -
Trekkande bakha-cha -
Bakha-cha (tørka blad) -
Marokkansk myntete -
Myntete -
Ein glaskopp med myntete og mynteblad
Kjelder
endre- ↑ «mint tea». Oxford Dictionaries. Arkivert frå originalen 26. februar 2018. Henta 24. februar 2018.
- ↑ Jeong, Dong-hyo; Yun, Baek-hyeon; Yi, Yeong-hui, red. (2012). «Cha-ui bullyu-wa jongnyu». Cha saenghwal munhwa daejeon (på koreansk). Seoul, Korea: Hongikjae. ISBN 978-89-714-3351-5. Henta 24. februar 2018 – via Naver.
- ↑ Nisha (5. november 2022). «Mint Tea | Pudhina Chai». Honey, Whats Cooking (på engelsk). Henta 13. november 2023.
- ↑ Amit, Dassana (9. mai 2022). «Mint Tea (Pudina Tea)». Dassana's Veg Recipes (på engelsk). Henta 13. november 2023.
- ↑ ʻArabiyya. Indiana University. 1975. s. 580.
- ↑ Van Driem, George (2019). The Tale of Tea: A Comprehensive History of Tea from Prehistoric Times to the Present Day (på engelsk). Brill. s. 460.
- ↑ Chumpitazi, B. P.; Kearns, G. L.; Shulman, R. J. (2018). «The physiological effects and safety of Peppermint Oil and its efficacy in irritable bowel syndrome and other functional disorders». Alimentary Pharmacology and Therapeutics (på engelsk) 47 (6): 738–752. PMC 5814329. PMID 29372567. doi:10.1111/apt.14519.
- Denne artikkelen bygger på «Mint herbal tea» frå Wikipedia på engelsk, og «Maghrebi mint tea» frå Wikipedia på engelsk den 29. april 2024.